‘Geen werk’ as Nieu-Seelandse gesondheidswerkers, onderwysers nie inent

Foto bloot ter illustrasie. (Foto: Joel Saget/AFP)

Nieu-Seelandse owerhede het Maandag aangekondig dat gesondheidswerkers en onderwysers in dié land nie van ʼn werk verseker sal wees indien hulle nie teen Covid-19 ingeënt word nie.

“Ons kan niks aan toeval oorlaat nie, daarom moet ons die inentings verpligtend maak,” het Chris Hipkins, minister van onderwys wat ook verantwoordelik vir die land se reaksie op die pandemie is, gesê.

“Inentings bly ons sterkste en doeltreffendste manier om teen ernstige of dodelike Covid-19-gevalle te beskerm.”

Volgens owerhede moet dokters, verpleegsters en ander gesondheidswerkers teen 1 Desember ten volle ingeënt wees, terwyl onderwysers wat daagliks met leerders in aanraking is teen die begin van Januarie ingeënt moet wees.

Hoërskole sal ook ʼn register van skoliere se inentingstatus moet byhou.

Die verpligte inentings sluit in onderwysers wat tuis onderrig gee en ouers wat as vrywilligers by ʼn skool werk.

Daar is egter nog nie besluit of inentings in die tersiêre onderwyssektor verpligtend gemaak moet word nie.

Die Royal New Zealand College of General Practitioners het die verpligte inentings ondersteun nadat sy president, Samantha Murton, dit as ʼn “gewaagde, maar noodsaaklike besluit” beskryf het.

Nieu-Seeland is deur die loop van die Covid-19-pandemie geloof vir sy pogings om die koronavirus heeltemal te stuit, eerder as om dit te bestuur.

Danksy dié benadering was dit nie nodig vir die land om vir langer as ʼn jaar inperkingsmaatreëls in werking te stel nie en die alledaagse lewe kon normaalweg voortgaan sonder beperkings op sosiale byeenkomste.

Die strategie het egter platgeval nadat ʼn enkele virusgeval van die Delta-variant in Augustus in Auckland aangeteken is en sedertdien na omliggende provinsies versprei het.

Premier Jacinda Ardern het gesê dat die hoogs oordraagbare Delta-variant die strategie van die land bemoeilik het en nie maklik uit die weg geruim kan word nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

35 Kommentare

jongste oudste gewildste
Jacob

As McCullough, Malone en ander ware kenners reg is, hoort daar ‘n aansienlike toename in kanker onder die groep mense wat gedwing word om die “entstowwe” te neem, binne die volgende paar jaar voor te kom.

Ek hoop net van harte dat dit nie die geval is nie aangesien baie van my familie die “entstowwe” geneem het.

Misky

Hulle noem niks van skoliere nie. So onderwysers word gedwing en skoliere nie.

Familie van my woon in NZ en hy is in hotel industrie. In Maart/April vanjaar was hy verplig om te bedank en wou nie inent nie en voel te min studies en navorsing gedoen tot hede.

Faraway

Ek het NIKS teen n”inenting nie”‘, ons almal het dit jare terug op skool ontvang MAAR . . . ekt n probleem met die eksperimentele aspek hiervan . . . waarvan die uiteinde skrikwekkende gevolge kan wees. In plein leke taal . . . daar was te min tyd gegun om te sien wat die newe effekte hiervan gaan wees!!! Elke liewe pil/salf op die mark het newe effekte van n panado tot n grandpa maar oor jare het dit uitgespeel en ons almal WEET wat om te verwag Hierdie inenting is nog in sy babaskoene . . . gee… Lees meer »

Catherina

Mooi

Geregtigheid

BRITISH MEDICAL JOURNAL No 7070 Volume 313: Page 1448, 7 December 1996. Introduction The judgment by the war crimes tribunal at Nuremberg laid down 10 standards to which physicians must conform when carrying out experiments on human subjects in a new code that is now accepted worldwide. This judgment established a new standard of ethical medical behaviour for the post World War II human rights era. Amongst other requirements, this document enunciates the requirement of voluntary informed consent of the human subject. The principle of voluntary informed consent protects the right of the individual to control his own body. This… Lees meer »