‘Geheim’ van Bermuda-driehoek toe nié opgelos

Grafika: Flipboard.com

Grafika: Flipboard.com

Navorsers het berigte in The Times en Daily Mail ontken dat die “geheim” van die Bermuda-driehoek ontrafel is.

Die twee mediahuise het die gevolgtrekking gemaak dat Noorweegse navorsers die “geheim” van die Bermuda-driehoek ontrafel het. Die navorsers het die seebodem van die Arktiese Barentszsee ondersoek, en kraters van tot ’n kilometer in deursnee gevind wat hulle meen deur metaangas, wat uit die seebodem ontsnap het, veroorsaak kon wees.

Die navorsers het ook nog net hul voorlopige bevindings bekend gemaak.

Hulle het egter glad nie die omgewing van die Bermuda-driehoek duisende kilometer daarvandaan ondersoek nie, en self geen afleidings gemaak of daaroor bespiegel nie.

Die moderne opvatting is egter ook dat die Bermuda-driehoek net ’n mite is, en dat daar in hierdie omgewing nie meer skepe en bote vergaan as in enige ander deel van die oseane van die wêreld nie.

Die Bermuda-driehoek is geleë in die Atlantiese Oseaan tussen Bermuda, Puerto Rico en Miami, Florida.

Lees meer: Christian Science Monitor, National Geographic

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Lola ·

Maroela, was daar dalk ‘n artikel wat hierdie artikel voorafgegaan het wat ek dalk kon gemis het?

Suné van Heerden ·

Dagsê Lola

Daar was berigte vroeër die week in The Times en Daily Mail waarop die navorsers reageer het, nie op Maroela Media nie.

Groetnis
Suné
nms Maroela Media

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.