George Floyd: Borgtog van R16 miljoen vir oudpolisieman

Derek Chauvin, ‘n voormalige polisielid, word aangekla van die moord op George Floud. (Foto: (Hennepin County Sheriff via AP)

ʼn Voormalige polisiebeampte van Minneapolis wat aangekla word van die moord op George Floyd, het Woensdag sy borgtog betaal en is vrygelaat – ʼn stap wat tot die aktivering van die nasionale wag gelei het ingeval betogings dalk uitbreek.

Luidens hofdokumente het Derek Chauvin die borgtog van $1 miljoen betaal en is hy uit aanhouding by Oak Park Heights vrygelaat.

Floyd is op 25 Mei dood nadat Chauvin sy knie etlike minute op Floyd se keel gehou het, terwyl dié gesê het hy kry nie asem nie. Die voorval is opgeneem en het tot wêreldwye betogings gelei.

Chauvin en drie ander beamptes is intussen afgedank. Hy word van moord aangekla.

Goew. Tim Walz het die nasionale wag ontplooi ná die nuus oor Chauvin se vrylating. Honderde mense het Woensdagaand die strate ingevaar, paaie versper en slagspreuke geskreeu.

Regsverteenwoordigers vir die Floyd-familie het gesê Chauvin se vrylating is ʼn pynlike herinnering dat geregtigheid nog nie geskied het nie.

“Die stelsel dat behoorlike prosesse gevolg word, het vir Chauvin gewerk en aan hom sy vryheid besorg terwyl hy verhoorafwagtend is. George Floyd is hierdie behoorlike proses ontneem en sy lewe is beëindig oor ʼn $20-noot. Daar was geen aanklag nie, geen inhegtenisneming, verhoor of borgtog nie. Net die doodstraf,” het die regspan in ʼn verklaring gesê.

Dit was nie duidelik waar Chauvin die geld vir borgtog gekry het nie. Voorwaardes verbonde aan sy vrylating sluit in dat hy alle hofverskynings moet bywoon, geen kontak met enige van Floyd se familielede mag hê nie, nie vir ʼn wetstoepassingsowerheid mag werk of veiligheidswerk doen nie, asook nie vuurwapens of ammunisie mag besit nie.

Chauvin se vrou, Kelly, het kort ná die voorval van hom geskei. Albei is vroeër vanjaar van belastingontduiking beskuldig nadat hulle nie al hul inkomste verklaar het nie. Die egpaar se huis is in Augustus verkoop. Chauvin mag ingevolge sy borgtogvoorwaardes nie die staat verlaat nie, maar dit is onseker waar hy nou gaan woon.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Liana

Hardloop vir die berge ou

Pieter

Watter klug. Hy was n skelm en vol drugs. Die mediese uitslag wat hulle van praat wys dat hy nie dood is van n knieg nie. Die is weereens n bewys hoe standaarde is tussen die rasse.

Termiet

Hulle riddeneer nou nes julias.

Magda

Almal het baie te sê oor die polisieman, wat sy werk gedoen het. Snaaks weet die spul wat Floyd so verdedig wie Floyd was????? Was hy dalk onder andere betrokke by bv. dwelms, wat duisende kinders laat ly omdat of hulle dit self gebruik of omdat hul ouers dit gebruik? God slaap nie. So ‘n polisieman behoort ‘n medalje te kry. Wens ek kon hom help.

Mariana

Ja dis hoe wêreld is. Kriminele is in beheer. Ons sien dit elke dag in SA ook. Hy sal nou altyd skuldig wees ongeag die nadoodse ondersoek se verslag.