’n Gesin van Perth wat vier dae lank in ʼn afgeleë deel van Australië gestrand was, is Dinsdag met ʼn helikopter gered.
Aanvanklike reddingspogings is glo weens vloede in die wiele gery.
Ori en Lindsey Zavros het saam met hul twee jong kinders deur die Simpson-woestyn in Sentraal‑Australië gereis toe hulle kampeerwa ná stortreën vasgeval het.
Die gesin het ʼn noodsein uitgestuur wat die Australiese Seevaartveiligheidsowerheid van hul ligging in kennis gestel het.
Weens vloede in dié gebied kon die gesin egter nie dadelik gered word nie. Owerhede kon slegs ʼn satellietfoon, ʼn langafstandradio, kos en water uit die lug laat sak.
Die polisie in Suid-Australië het Dinsdag gesê die gesin is na Coober Pedy, ʼn dorp in die noorde van Suid-Australië, gevlieg, waar hulle sal oornag. Vandaar sal die gesin glo hul eie reisreëlings tref.
“Ons is verheug dat hulle uiteindelik gered word,” het ʼn familielid aan die nuusuitsaaier ABC gesê.
AFP berig hewige storms het die gebied die afgelope paar dae getref, wat vloede meegebring het.
Die woestyndorp Alice Springs het sy hoogste daaglikse reënval sedert 2001 beleef, wat die gewoonlik stowwerige Todd-rivier in ʼn sterk watermassa omskep het.
Die onweer het ook vloede en waarskuwings in die suide en ooste van Australië tot gevolg gehad.
Australië het die afgelope paar jaar erge droogtes, veldbrande en vloede ervaar – onder meer weens klimaatsverandering.
Hoe reis mens ALLEEN met 2 klein kinders deur so n woestyn gebied? Moet altyd 2 voertuie ens wees…mense is soms so nalatig…
Hulle is in Australië.
So? Toe beland hulle steeds in die moeilikheid Australie en al. LOL
Piet: “Weens vloede in dié gebied kon die gesin egter nie dadelik gered word nie. Owerhede kon slegs ʼn satellietfoon, ʼn langafstandradio, kos en water uit die lug laat sak. Klink soos ‘n feëverhaal as jy dit met ons vergelyk”. Of meen jy dis omdat ons nie vloede het nie.
HEHE
ag tog, altyd EEN wat alles weet..
Mariaan, ek stem saam met jou kommentaar. Dit is die raad wat Andre de Villiers altyd gee in sy program Safari 4 X 4, want daar kan enige iets op jou pad gebeur.