Gesin van Zim-plaas verdryf: ‘Dit was vreesaanjaend’

Daar is inderhaas opgepak want die grondbesetters wou intrek.

Grondbesetters het die afgelope week nog ʼn Zimbabwiese boer en sy gesin van hulle huur-eiendom in Marondera in Mashonaland-Oos verdryf. Dit is die derde sodanige voorval wat die afgelope drie weke in Marondera plaasgevind het.

Die Meikle-gesin is geteiken deur ene mev. Mashonganyika, glo die assistentkommissaris van die polisie se vrou, wat saam met ʼn groep van haar ondersteuners toegang tot die eiendom verkry het.

Marondera is sowat 72 km van Harare af en die Meikles het die 80 ha-hoewe die afgelope 18 maande gehuur terwyl hulle ʼn tuinbouprojek op ʼn naburige plaas bedryf. Die multimiljoendollar-projek verskaf werk aan ʼn groot aantal mense en kweek produkte vir die uitvoermark.

In ʼn duidelik gespanne stemboodskap aan familie en vriende sê Elysia Meikle (39) dat verteenwoordigers van die departement van grond verlede Dinsdag by hulle huis op die Little Court-eiendom opgedaag het.

Daar is inderhaas opgepak want die grondbesetters wou intrek.

Die Meikles was nie tuis nie, maar is telefonies meegedeel dat die grond aan Mashonganyika toegeken en reeds in die staatskoerant afgekondig is.

Meikle se man, Bruce (43), is die volgende dag na die departement se kantore, maar dié kon geen bewys verskaf dat die plaas wel aan Mashonganyika gegee is nie. ʼn Vergadering is toe vir die einde van verlede week met Mashonganyika gereël.

By die Meikles se huis het sy egter geweier om uit haar voertuig te klim totdat ʼn groep oproeriges by haar aangesluit het. Hulle het geëis om op die eiendom te oornag en het die Meikles beveel om onmiddellik op te pak en die huis te verlaat.

Daar is inderhaas opgepak want die grondbesetters wou intrek.

Teen donker was die situasie erg gespanne en Meikle sê sy het met haar drie kinders, van wie een nog ʼn baba is, in die huis gaan skuil terwyl haar man steeds met die groep probeer onderhandel het.

Inwoners van plase in die omgewing het intussen by die hoofpad begin saamdrom van waar hulle die situasie dopgehou het.

Die polisie het teen 22:30 opgedaag, maar gesê die saak is “polities” en hulle kan niks daaromtrent doen nie.

“Ek het toe besluit om my twee seuns, Alex en Samuel, na veiligheid te stuur en hulle het saam met een van ons werkers deur ʼn agterdeur ontsnap en na die groep by die hoofpad gehardloop. Ek het met die baba, Olivia, wat net ses maande oud is, agtergebly,” vertel Meikle oor die moeilike keuse wat sy moes maak.

Die Meikle’s se meubels word nou by vriende en familie in die omgewing gestoor.

Die indringers het die hele nag dreigend in die tuin gebly en teen ligdag die volgende oggend het die Meikles begin om hulle besittings weg te ry terwyl Mashonganyika en haar groep toegekyk het.

“Dit was vreesaanjaend en traumaties, maar ons kyk vorentoe,” sê ʼn emosionele Meikle aan die einde van die boodskap waarin sy die Marondera-gemeenskap vir hulle ondersteuning bedank.

Die gesin bly nou by familie, maar het intussen alle kommunikasie verbreek nadat die Zimbabwiese regering glo woedend reageer het op die stemboodskap en die slegte publisiteit wat daarop gevolg het.

Die Meikle’s se meubels word nou by vriende en familie in die omgewing gestoor.

Maroela Media kon wel daarin slaag om die Meikles in Zimbabwe op te spoor. “Ons is uitgeput en steeds getraumatiseer,” sê Elysia Meikle. “Ons probeer sin maak van ons omstandighede en voel ontwortel met dié dat ons meubels oral in familie se tuine rondstaan. Ons vat dinge nou dag vir dag.”

Oor haar seuns van agt en 11 jaar sê sy dat hulle verward en angstig is, maar sy en haar man probeer hulle kalm hou en steeds ʼn stabiele omgewing skep.

Die Meikle’s se meubels word nou by vriende en familie in die omgewing gestoor.

Die gesin gaan vir eers in Zimbabwe aanbly en met hulle onderneming voortgaan. “Maar as dinge nie regkom en endkry wat met ons gebeur het nie, gaan ons oppak en ons kundigheid saam met ons neem.”

Hulle het voorheen jare lank in Zambië gewoon waar Bruce, ʼn landbou-ingenieur, vir die grootste suikermeule in Afrika gewerk het.

Ben Purcell-Gilpin, die president en hoof- uitvoerende beampte van die Commercial Farmers Union, sê in ʼn boodskap dat hy moeg is daarvoor dat mense voel hulle is geregtig om grond te vat asof dit hulle toekom.

“Dit het ons land se inwoners gebreek en ondermyn Zimbabwe se herstel.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

58 Kommentare

jongste oudste gewildste
legens

Kyk mooi , dit is oppad .

Peper

Eendag sal ons leer dat jy nie Afrika kan vertrou nie… En eendag sal Afrika leer wat basiese menslike maniere is…

Anoniem

Dit is begin deur Mugabe en sal telkemale herhaal word ! Vertrou niemand, nêrens nie

Melanie

Zimbabwe gaan nie herstel nie. Suid Afrika ook nie.

galore

EENDAG…..