Golden Globe-wenners bekend

Rami Malek. Foto: Jordan Strauss/Invision/AP

Die wenners van die 76ste Golden Globe-toekennings is Maandagoggend (Suid-Afrikaanse tyd) aangekondig.

Die Queen-rolprent, Bohemian Rhapsody, is as beste dramafliek aangewys terwyl Green Book gewen het vir Beste fliek – komedie/musiekblyspel.

Glenn Close het die beeldjie huis toe gevat vir beste aktrise in ʼn dramafliek vir haar rol in The Wife terwyl Rami Malek gewen het vir beste akteur in ʼn dramafliek vir sy rol as Freddie Mercury in Bohemian Rhapsody.

Lady Gaga. Foto: Jordan Strauss/Invision/AP

Olivia Colman en Christian Bale het onderskeidelik die beeldjies gewen vir beste aktrise en akteur in ʼn fliek – komedie/musiekblyspel vir hul rolle in The Favourite en Vice.

Regina King en Mahershala Ali het die beeldjies gewen vir beste byspelers vir hul rolle in If Beale Street Could Talk en Green Book.

Roma is as beste buitelandse rolprent aangewys en Alfonso Cuarón is as beste regisseur aangewys vir dié rolprent.

Lady Gaga het dalk nie die beeldjie gewen vir beste aktrise vir haar rol in A Star is Born nie maar wel vir beste oorspronklike liedjie.

The Americans is as die beste TV-drama aangewys.

ʼn Lys van ander wenners:

Glenn Close. Foto: Jordan Strauss/Invision/AP

Beste aktrise, TV-drama

Sandra Oh – Killing Eve

Beste akteur, TV-drama

Richard Madden – Bodyguard

Beste aktrise, TV-komedie/musiekblyspel

Rachel Brosnahan – The Marvelous Mrs. Maisel

Beste akteur, TV-komedie/musiekblyspel

Michael Douglas – The Kominsky Method

Beste kortreeks

Assassination of Gianni Versace: American Crime Story

Alfonso Cuarón. Foto: Jordan Strauss/Invision/AP

Beste aktrise in ʼn kortreeks

Patricia Arquette – Escape at Dannemora

Beste akteur in ʼn kortreeks

Darren Criss – The Assassination of Gianni Versace: American Crime Story

Beste byspeler (vrou) in ʼn kortreeks

Patricia Clarkson – Sharp Objects

Beste byspeler (man) in ʼn kortreeks

Ben Whishaw – A Very English Scandal

Klik hier vir die volledige lys van wenners.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

4 Kommentare

Ander Annie ·

Rami Malek het die rol van Freddie Mercury briljant vertolk in die fliek Bohemian Rhapsody. Hy verdien beslis die toekenning. Dit is fantasties om mense soos Glen Close en Kirk Douglas ook op die lys te sien. Ongelooflike talentvolle akteurs en aktrises.

Bosluis ·

Stem 100% saam met jou, Ander Annie, oor Rami Malek. Hy was kompleet Freddie Mercury gewees. Enige Queen aanhanger se ‘moet sien’ fliek.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.