Groot verrassing vir vrou ná koma

Sharista Giles

Sharista Giles

Toe die twintigjarige Sharista Giles ná vier maande in ’n koma bykom, moes sy die blye nuus verneem dat sy intussen ma van ’n babaseuntjie geword het.

Giles, van Tennessee in die VSA, was in ’n koma ná ’n ernstige motorongeluk. Dokters het nie gedink sy sou ooit daaruit kom nie.

Giles was vyf maande swanger tydens die ongeluk. Ná drie maande in die koma het die dokters die seuntjie met behulp van ’n keisersnee in die lewe gebring. Hy is steeds piepklein, maar gesond.

Kort hierna het Giles self haar oë oopgemaak, haar geliefdes om haar bed se hande gedruk, en met haar oë die foto van haar babaseuntjie gevolg. Haar familie glo sy weet dit is haar kind.

Bronne: ABC News, Metro, De Standaard

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Peet Schabort ·

Natuurlik weet sy dis haar kind!! Dis vir daardie kind en met God se genade wat sy die wil gehad het om die ongeluk te oorleef en uit die koma te kom. Sy moes in daardie koma heeltyd besef het wat aangaan .
Die band tussen hierdie moeder en kind kan duidelik gesien word op die foto. Dink net dat die outjie ook in die ongeluk was en dit oorleef het.
Veels geluk Sharista met “tawwe Tienie”.

Jo ·

Dis nou ‘n positiewe, oulike berig. Baie geluk !!! Waarom plaas Maroella nie meer sulke berigte in plaas van onsinnige en van geen belang, dus mors van nuusspasie oor Jakop 73 is? So what? Ek weet van baie mense wat iets vir die land beteken en 73 is.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.