Hartroerende foto van bejaarde egpaar wyd gedeel

Foto: Facebook

Foto: Facebook

ʼn Foto van ʼn bejaarde egpaar wat mekaar huilend groet omdat hulle ná 62 jaar van getroude lewe nie in dieselfde versorgingsoord kan woon nie, maak wyd opslae op sosiale media.

Die Kanadese egpaar, Wolf (83) en Anita (81) Gottschalk, se kleindogter, Ashley Bartyik, het Woensdag die foto op Facebook geplaas en dit is reeds meer as 10 000 keer gedeel. Hul storie is ook al deur verskeie internasionale mediahuise gedek.

Volgens Bartyik se inskrywing is die foto by ʼn oorgangsfasiliteit in Surrey, British Columbia, geneem waar bejaardes gehuisves word terwyl hulle wag om in versorgingsoorde geplaas te word. Bartyik het gesê Anita is reeds agt maande gelede in ʼn oord geplaas, maar haar oupa kan nie na dieselfde oord verskuif word nie weens “agterstande en vertragings” in die land se gesondheidstelsel.

Bartyik vertel in die inskrywing hoewel haar grootouers elke keer huil wanneer hulle mekaar sien, was Woensdag se ontmoeting nog hartseerder as gewoonlik omdat Wolf met limfoom-kanker gediagnoseer is. “Afgesien van hierdie diagnose wat sy lewenstyd nog meer beperk, word sy demensie elke dag erger, maar sy herinnering aan my ouma het nog geensins vervaag nie. Ons is bevrees hy sal haar binnekort nie meer kan onthou as hulle nie gou by mekaar kan bly nie. Dit veroorsaak druk op ons familie wat elke tweede dag 30 minute moet ry om haar na hom toe te vat sodat hy haar nie sal vergeet nie,” het sy geskryf.

Bartyik het gesê ondanks talle navrae aan die betrokke owerhede, kon die familie nog geen duidelikheid kry oor wanneer die egpaar herenig sal word nie. Intussen is ʼn aanlyn petisie begin waarin mense eis dat die egpaar se verblyfsituasie opgelos word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

45 Kommentare

jongste oudste gewildste
erica

ai dis so hartseer .

Kobie

Ou mense verdien nie hierdie wrede emosionele mishandeling nie. Dus n skande

Popeye

Sjoe dis erg! Iemand sal baie gou moet planmaak! Dit skreeu ten hemele!

Sunette Bridges

…en so sit die hele familie, kinders, kleinkinders en agterkleinkinders, die ontsettende hartseer en aanskou, maar nie EEN huishouding in hierdie 2 mense se uitgebreide familie sien kans om na hulle om te sien vir die tyd wat hulle oor het nie. Kla op Sosiale Media daaroor en wag vir die regering om ‘n plan te maak… Is vir my absoluut tragies!

Wanda

Dis baie hartseer.Ek stem saam Sunette, hoekom kan die kinders hulle nie invat nie? Ek en my man help my ouers en sy pa bly by sy boetie. Hulle het ons groot gemaak en so baie vir ons opgeoffer. Dis nou my kans om daar te wees vir hulle. Ek hoop die oom en tannie kan spoedig by mekaar wees…dis hoe dit hoort