Hele bruidstoet van 15 motors beboet

Die bruidskar, wie se bestuurder ook beboet is, was ’n peperduur Maybach. Foto: Haagse polisie via Facebook

Asof ʼn bruilof nie reeds ʼn duur storie is nie, is 15 bestuurders in ʼn huwelikstoet in die Nederlandse stad Den Haag elkeen talle boetes opgelê vir oortreding van ʼn verskeidenheid verkeersverordenings.

Die bestuurders op pad na die troue het onder meer deur rooi ligte gery, onnodig in die linkerbaan van dubbelpaaie gery en sonder rede hul waarskuwingsligte aangeskakel. Volgens die polisie het heelwat mense die noodnommer 112 gebel om te kla oor die “asosiale gedrag van die feesvierders”, berig die Amsterdamse oggendblad De Telegraaf.

Nadat die polisie besluit het om toe te slaan, het hulle die stoet, wat aangevoer is deur ʼn peperduur Maybach, van die pad afgetrek. Geeneen van die bestuurders het sonder ʼn boete daarvan afgekom nie.

Die Den Haagse polisie het ná hul optrede op Facebook gesê hulle kry gereeld klagtes van bruilofstoete op die stad se strate wat hulle weinig aan die padreëls steur.

“Paaie blokkeer, deur rooi ligte ry, toet, by die venster uithang en nog vele ander hinderlike en soms lewensgevaarlike gedrag” is aan die orde van die dag, sê die polisie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
A simple msn

Wel gedaan

John

Asosiale gedrag… aai… aai. Tipies van die Europese suurknolle. Reels en regulasies.. en geen humorsin nie. Miskien gaan hulle een van die dae wens dis net ‘n troue wat hulle getref het wanneer die landsgrensie allemansreg word.

Gert van Wierdapark

Hier by ons sal so bruilofstoet van Waterkloof Lugmagbasis tot by die SONSTAD op belastingbetalers se bege-LYDING getroetel word met geen Haan wat daarna kraai nie, behalwe die Ge-he-he-he van die voormalige kropvreter pres. In die agtergrond!

leser

ek wens die metro polisie wil boetes aan begrafnis gangers na zandfontein begraafplaas gee, veral die swart begrafnis gangers, hulle maak die pad heeltemal toe vir hulself, tot 4 voertuie langs mekaar oppad begraafplaas toe

Joan Strydom

Daai is niks. Hier by ons land die bruilofsgangers sommer op ons lugmagbasis se vliegveld.