Die Amerikaanse vloot. (Foto: Navylive.dodlive.mil)
Vyf vermiste lede van die Amerikaanse vloot is dood verklaar nadat ʼn helikopter vroeër die week langs die Kaliforniese kus neergestort het.
Die nuuskanaal CBS berig die MH-60S‑helikopter het Dinsdag vir ʼn roetinevlug van die vliegdekskip die USS Abraham Lincoln opgestyg en omstreeks 16:30 in die Stille Oseaan, sowat 96 km van die kus van San Diego, neergestort. Een lid van die bemanning is sedertdien gered en is in ʼn stabiele toestand. Die res word steeds vermis.
Die soek-en-reddingsoperasie, waartydens vyf reddingshelikopters 34 vlugte onderneem het, is sedertdien tot ʼn herwinningsoperasie afgeskaal. Volgens ʼn Facebook-plasing deur 3rd Fleet is vyf matrose ook tydens die voorval beseer.
Die name van die gestorwe lede van die vloot is nog nie bekend nie en die ongeluk word ondersoek.
Jong, dis seker nou nie so belangrik nie, maar is dit nie die Stille osean langs San Diego nie? Die Atlantiese osean is mos aan die ander kant.
Dis die Pacific ocean. Weet nie wat dit in Afrikaans is nie.
Jy is heeltemal reg Johan. Dit is die stille oseaan.
Dit is tragies want dit was ‘n ongeluk, in Suid-Afrika kan so iets verwag word van die sogenaamde weermag.