Al vier insittendes van ‘n helikopter wat van Engeland na Noord-Ierland onderweg was, is dood toe dit in die graafskap Norfolk neergestort het.
Die oorsaak van die ongeluk is nie bekend nie, maar digte mis hang oor die ongelukstoneel.
Die Telegraph berig dat Edward Haughey, miljoenêr entrepreneur, moontlik in die ongeluk omgekom het. Volgens die Mirror het die polisie egter nog nie die name van die afgestorwenes bekend gemaak nie en die polisie wou nie bevestig of ontken dat Haughey in die helikopter was nie.
In die Amerikaanse stad, Philadelphia, het ‘n passasiersvliegtuig met sy neus in die sand beland toe dit na Florida wou opstyg. Al die passasiers wat die vliegtuig deur nooduitgange moes verlaat is ongedeerd. (Sien foto onderaan berig).
Bronne: Trouw, CBS