Hertogin se broer sterf in fratsongeluk

Mark Shand en sy suster, Camilla Parker-Bowles, die hertogin van Cornwall

Mark Shand en sy suster, Camilla Parker-Bowles, die hertogin van Cornwall

Mark Shand, die hertogin van Cornwall se broer, is oorlede ná ʼn fratsongeluk buite ʼn nagklub in New York.

ʼn Woordvoerder vir Clarence House het Woensdag die ongeluk bevestig. “Mnr. Shand het in die hospitaal gesterf weens ʼn kopbesering wat hy opgedoen het toe hy geval het,” lui die verklaring. Shand was 62 jaar oud. “Die prins van Wallis, die hertogin en haar familielede is geskok deur die tragiese en skielike verlies.”

Shand, ʼn reisende skrywer, het omstreeks 02:30 gegly en geval terwyl hy ʼn sigaret wou aansteek, het Mail Online berig. Hy het sy kop teen die sypaadjie gestamp. Die voorval het buite die Rose Bar by die Gramercy Park Hotel in New York plaasgevind waar Shand ʼn fondsinsamelingsgeleentheid vir The Elephant Family bygewoon het. Dié organisasie spits hom toe om die uitwissing van die bedreigde Asiër-olifante te verhoed. Shand was nou betrokke by die organisasie wat hy in 2002 op die been gebring het.

Intussen het Mail Online berig hy het glo hoëbloeddrukmedikasie gebruik wat moontlik duiseligheid kon veroorsaak het. Hy was saam met sy vriendin, die 36-jarige Ruth Powys.

Shand word oorleef deur sy eksvrou, Clio, en dogter Ayesha (19).

Virgin-baas Richard Branson het aangebied om die liggaam met sy privaatvliegtuig na Engeland terug te neem.

Klik hier om meer te lees.

Mark Shand en Ruth Powys Foto: Joe Schildhorn/BFAnyc.com/REX

Mark Shand en Ruth Powys Foto: Joe Schildhorn/BFAnyc.com/REX

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.