Sy het nie topsekuriteit-klaring gehad nie: ʼn hoender is Maandag in ʼn hoësekuriteit-sone van die Pentagon aangekeer. Sy het die swaargewapende wagte, wat die hoofkwartier van die Amerikaanse Ministerie van Verdediging beskerm, onverhoeds betrap.
Daar is nie ʼn verduideliking hoe die hoender in die gebou gekom het nie, maar in die ysige weersomstandighede is sy aan plaaslike dierebeskermingsbeamptes oorhandig.
“Ons beamptes is ontbied om haar te gaan oplaai,” het die Dierewelsynsliga van Arlington op sy Facebook-blad gesê. “Sers. Balaena het haar veilig na die skuiling teruggebring. Sy sal hier bly totdat ons vir haar ʼn nuwe huis gekry het.”
Die organisasie is nou op soek na name vir dié “spioen” en in die kommentaar was daar voorstelle soos “Henny Penny” (as verwysing na die Pentagon), “Colonel Sanders” en selfs “Ethel” (as verwysing na Ethel Rosenberg, berugte Russiese spioen).
Pentagon se sekuriteit het nog nie ʼn verduideliking gegee hoe die hoender só ver in die gebou kon kom nie en of dit hoegenaamd ʼn bedreiging inhou nie.
“Ek sal daai hoender nagaan vir moontlike afluisterapparate …” het een persoon gesê.
Ja jong, dit maak hulle sommer die hoenders in.
Hoender mafia. Pasop !!!
Was dit ‘n regte hoender? Geslag is sy beslis.
As dit in SA was!!!
hmmm lyk bietjie verdag…
Sy het darem NIE die Pentagon afgebrand!!
Haha, dit was nou iets om oor te giggel. dankie
CR het beslis iets hiermee te doen….dalk n meeluisteraparast gaan plant om uit te vind hoe om n lsnd suksesvol te lei.”Radio controlled run away”.
Hulle “topsekuriteit” is toe nie so tops nie – ha ha ha
Baie swak sekuriteit soos in SA.
Net kom inloer vir die comments – nou lekker gelag
Maar is sy ‘n hoender? Ek dink aan die Trojaanse perd. Miskien is sy ‘n spioen in hoender vorm.
Nou die’s nuus.
Sometimes Chicken has more sense than people Well done Henny Penny
Moontlike ondersoek deur Pelosi om te kyk of Trump agter die insypeling sit. Eerlikwaar swak van sekerheid in withuis of hoenderhok.