Hollywood-legende Kirk Douglas sterf

Michael en Kirk Douglas (Foto: Instagram)

Die legendariese Hollywood-akteur Kirk Douglas is in die ouderdom van 103 oorlede.

Sy seun, die bekende akteur Michael Douglas, het die hartseer nuus Donderdag op sy Instagram-blad gedeel.

“Vir die wêreld was hy ’n legende, ’n akteur uit die goue era van films wat tot in sy goue jare geleef het, ’n filantroop wie se toewyding aan geregtigheid en die sake waarin hy geglo het, ’n standaard stel vir ons almal om na te streef.

“Maar vir my en my broers Joel en Peter was hy eenvoudig pa, vir Catherine [Zeta-Jones] ’n wonderlike skoonpa, vir sy kleinkinders en agterkleinkind, hul liefdevolle oupa, en vir sy vrou, Anne, ’n wonderlike man,” skryf Michael in die hartroerende boodskap.

Volgens Michael laat sy pa ’n nalatenskap in die filmbedryf agter wat vir die volgende generasies sal bly bestaan.

Kirk was veral bekend vir sy rolle in Champion (1949) en Spartacus (1960) en het gedurende sy loopbaan wat oor ses dekades strek in nie minder as 90 films gespeel nie.

“Laat my afsluit met die woorde wat ek op sy laaste verjaardag aan hom gesê het, en wat altyd waar sal bly. Pa – ek is so lief vir jou en ek is so trots om jou seun te wees,” sê Michael.

View this post on Instagram

It is with tremendous sadness that my brothers and I announce that Kirk Douglas left us today at the age of 103. To the world he was a legend, an actor from the golden age of movies who lived well into his golden years, a humanitarian whose commitment to justice and the causes he believed in set a standard for all of us to aspire to. But to me and my brothers Joel and Peter he was simply Dad, to Catherine, a wonderful father-in-law, to his grandchildren and great grandchild their loving grandfather, and to his wife Anne, a wonderful husband. Kirk's life was well lived, and he leaves a legacy in film that will endure for generations to come, and a history as a renowned philanthropist who worked to aid the public and bring peace to the planet. Let me end with the words I told him on his last birthday and which will always remain true. Dad- I love you so much and I am so proud to be your son. #KirkDouglas

A post shared by Michael Douglas (@michaelkirkdouglas) on

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

8 Kommentare

jongste oudste gewildste
charmaine

Dis hartseer maar dit was tyd nie enige een kan 103 word nie.

Stink-Afrikaner'tjie

103 jaar oud, wow!

Marie

Hy was ‘n Legend. Geseënd om 103 te kon word.

Shady

Kan nie glo daar is mense wat nog so oud word nie

Elize

Geseënd om daar die ouderdom the bereik. Rus in vrede Kirk.