Meer as 300 honde is glo weens ʼn gebrek aan kos en water in hul hokke by ʼn diereskuiling in Oekraïne dood.
CBC News berig dat liefdadigheidswerkers weens die voortslepende oorlog in dié land vir langer as ʼn maand nie na die diereskuiling in Borodyanka in Kiëf kon terugkeer nie. Die diere was dus weke lank aan hul eie lot oorgelaat.
Die liefdadigheidsorganisasie UAnimals het aan CBS gesê die werkers kon eers op 1 April na die skuiling terugkeer, nadat Russiese soldate die gebied verlaat het.
“Teen dié tyd het 300 van die 485 diere al gevrek.”
Oleksandra Matviichuk, hoof van die sentrum vir burgerlike vryhede in Oekraïne, het ʼn ontstellende video op Twitter gedeel van die omstandighede by die skuiling wat werkers by hul terugkeer teëgekom het.
Die 27 sekonde lange video is deur ʼn liefdadigheidswerker geneem wat al huilend verduidelik wat op die toneel aangaan soos sy deur die diereskuiling stap.
Volgens UAnimals het vrywilligers die oorlewende honde kos gegee, terwyl 27 van dié diere in ʼn ernstig verswakte toestand na private klinieke vir behandeling geneem is.
Die organisasie het by inwoners gepleit om die ander honde in te neem en selfs ʼn beloning van $1 700 (meer as R24 000) uitgeloof aan iemand wat dié diere kan inneem.
Verby hartseer:(
En dit alles die skuld van een russiese hond
Hoe weet jy dit was ‘n Russiese hond wat in beheer van die skuiling was. ‘n Oekraieniese hond is meer waarskynlik
Klink nogal vir my tipies kommunisties…
Dit moes verskriklik gewees het om dit te aanskou!
Hartverskeurend!!!!
Putin gaan seker weer se^ dit is Westerse propaganda.
Hartverskeurend. Onmenslik. Ek kan dit nie in my brain verwerk kry nie. Ook nie hoekom dit toegelaat word om te gebeur nie.
Sammy die Yorkie, Violet, Spot, Lucky en Jack wie in my sorg is gaan nooit vrêk soos die arme honde in Oekraine nie. Hulle gaan wel eendag sterf / doodgaan / oorgaan maar vrêk, nee!
Ek sit en snik soos ek hier lees. Ek sou dit nie maak as ek dit moes aanskou nie. Ek kan my nie indink waardeur die arme honde moes gaan in daardie tyd nie.
Dit breek’n mens se hart!!