Honderde KFC’s gesluit weens hoendertekort

‘n KFC naby Ashford in Engeland. Foto: ANA via AP.

Verbruikers was Maandag uiters ontsteld toe sowat 900 KFC-wegneemetewinkels in die Verenigde Koninkryk (VK) en Ierland hul deure moes sluit weens ʼn tekort aan hoender. Die maatskappy het om verskoning gevra en die blaam op “groeipyne” met hul nuwe afleweringsmaatskappy, DHL, geplaas.

KFC het reeds Sondag om verskoning gevra. Teen Maandag was sowat 300 takke volgens hulle weer oop, maar dit is steeds onduidelik wanneer die ander 600 ook sal oopmaak.

Die takke wat wel oop is, het net ʼn beperkte spyskaart vir verkorte besigheidsure gebruik.

DHL, wat onlangs die KFC-kontrak by Bidvest Logistics oorgeneem het, het gesê “weens bedryfskwessies is ʼn aantal aflewerings in onlangse dae onvolledig of vertraag.”

Toe DHL in Oktober verlede jaar die kontrak teen die maatskappy QSL gewen het, het hulle beloof om die “grense te verskuif en ʼn nuwe maatstaf vir die aflewering van vars produkte vir KFC daar te stel”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Daan Erasmus

Ons in Suid-Afrika is gewoond dat die grense geskuif word. Presies soos in dié geval, in die verkeerde rigting.

Mare

Dit het in SA met my al 7keer gebeur.

Hoender

Whaaaaaaaaa o hel die Metropolisie en Polisie gaan woedend wees. Waar gaan hulle nou etenstye uithang met die ampsmotors?

Bernard Hellberg

Bidvest Logistics is Suid-Afrikaans. Die Pommies se verdiende loon dat hulle sukkel?

URSULA

1x het oop gemaak in Doornpoort PTA
WAT N GEMORS Kos v/d vorige dag word die volgend dag verkoop (hard en taai)die tjips is koud en proe oud