Internet gons oor Meghan se modeflater

Die hertogin en hertog van Sussex kom aan op die eiland Tonga, maar sy het duidelik iets belangriks vergeet. Foto: Twitter

Die hertogin van Sussex het die eerste nege dae van haar en prins Harry se eerste amptelike toer as getroude paartjie haar beste voetjie voorgesit – tot sy Donderdag ʼn modefoutjie begaan het waaroor mense wêreldwyd gons.

Meghan, die gewese aktrise van Suits-faam, het Donderdag soos gewoonlik pragtig gelyk, dié keer in ʼn bloedrooi rok van die modehuis Self-Portrait, waar sy en haar man op die tiende dag van hul ampsbesoek aan Australasië op die eiland Tonga aangekom het nadat hulle Fidji besoek het.

Tot toeskouers se groot verbasing het die pryskaartjie van haar treffende rok nog daaraan gehang met die prys, £345 (sowat R6 500), duidelik sigbaar.

Sommige modewaarnemers verkwalik haar personeel van nalatigheid, maar ander glo die hertogin lyk altyd goed, selfs wanneer sy óf haar stilis vergeet om die pryskaartjie van haar klere te verwyder, berig News18.com.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

56 Kommentare

jongste oudste gewildste
Sê maar net

Ag, siestog, sy moet seker elke dag nou vir haar nuwe goed koop, wie kan nou byhou. Maar nou ja, mens was mos eers die klere of hoe?

Speedguard

Ook maar net mens !!!!

Snowball

Ag aarde tog! ‘n Kataklisme in teekoppie! Dis tog net ‘n menslike glips! Die mensdom het potsierlik oppervlakkig geword.

waarheid

Asof dit nou nuuswaardig is – ai is daar nie anders om oor te skryf nie?
Daar moet belangrikes nuus as dit wees – ek is seker.

Ander Annie

Sy bly pragtig, kaartjie of te nie. Sy is mos ‘n mens. Dit het jy ookal oorgekom.