Volgens die staatsbeheerde IRNA-nuusagentskap het die Iran-141-vliegtuig naby die Mehrabad-lughawe, wes van Tehran, in ‘n residensiële gebied neergestort.
“Volgens aanvanklike berigte het die 40 mense aan boord die vliegtuig in die ongeluk gesterf, insluitend sewe kinders,” berig IRNA.
Iran se staatstelevisie berig die vliegtuig was van die Taban Air-lugredery.
Vliegtuigongelukke in Iran word hoofsaaklik op verouderde vliegtuie en swak instandhouding blameer. Meeste van die vliegtuie in IranAir se vloot is voor die land se Islamitiese Rewolusie in 1979 aangekoop.
Die Iran-141 is ‘n klein passasiersvliegtuig wat in Iran vervaardig word met Oekraïnse tegnologie.