ISIS roep kalifaat uit

Foto: Photo News

Foto: Photo News

Die radikale Moslemgroep Islamitiese Staat vir Irak en die Levant (ISIS) het, volgens ‘n stemboodskap, op Twitter ‘n kalifaat uitgeroep in die gebiede wat hy beheer.

Die aanspraak kon nog nie onafhanklik bevestig word nie.

ISIS, wat ook sy naam verander het om nou bloot “Islamitiese Staat” te heet, beheer groot dele van Irak en Sirië. Volgens die boodskap is die aanvoerder van die groep, Abu Bakr al-Baghdadi, as eerste kalif uitgeroep.

‘n Kalif word beskou as iemand wat sy regeermagte weens sy regstreekse afstammeling van Mohammed verkry het. Die oorspronklike Islamitiese Kalifaat is in 1924 ontbind toe die Ottomaanse ryk ontbind is.

Isis is in die radikale segment van die Soenie-Islam gesetel waartoe ook Al Kaïda, die Taliban, Al Shabaab en Boko Haram behoort.

In Irak is die meerderheid inwoners egter Sjiïete terwyl die Sjiïtiese Hizbollah vanuit Libanon pres. Bashar al-Assad te hulp gesnel het.

Bronne: Trouw, De Standaard

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae