Die brande in Haifa. Foto: Xinhua/Moran Mayan/JINI) (zjy)
Daar word intussen ook steeds gepoog om talle ander brande regoor die land onder beheer te kry. Die brande het op verskeie punte regoor Israel begin. Benjamin Netanyahu, premier van Israel, het die brandstigters as terroriste bestempel.
Die brande word aangehelp deur sterk wind en baie droë weer. Palestyne het blykbaar die brande op sosiale media gevier met die Twitter-hutsmerk #Israelisburning. Netanyahu het hulp gevra van die VSA om hul “supertanker”, ʼn groot brandbestrydingsvliegtuig, te stuur. Verskeie lande het reeds hulp aangebied.
Die hoofweg tussen Jerusalem en Tel Aviv het tot stilstand gekom nadat brande die stad Modi’in-Maccabim-Re’ut bereik het. Verskeie huise en geboue het reeds afgebrand. Geen sterftes is tot dusver aangemeld nie, maar tientalle mense is in weens rookinaseming in hospitale opgeneem.
Minstens 12 mense is reeds in verband met die verwoestende brande in hegtenis geneem.
-
- Foto: Xinhua/Moran Mayan/JINI) (zjy)
-
- Foto: AP Photo/Ariel Schalit
die ANC is ten gunste van n eie staat vir die palestyne. so as hulle konsekwent wil wees, moet hulle ook ten gunste van n eie staat vir wit Afrikaners wees. so hier is dalk n opsie vir ons Afrikaners om te ondersoek. dalk kry ons so ons eie staat…
Benjamin – dit is wensdenkery. Die ANC gun ons niks – nie eers die lug wat ons inasem nie. Ons sal baie hard moet baklei om so veel moontlik van dit wat ons nog het, te behou.
Israel verkeer in ‘n oorlewingstryd, soos Suid-Afrika onder blanke bewind. Diegene wat geweld en terreur saai om die ondergang van die huidige Israelse bestel te bewerkstellig is inderdaad terroriste.
Maar hoe anders dan?