James Bond-legende sterf

Roger Moore as James Bond

Sir Roger Moore, wat bekendheid verwerf het vir sy rol as James Bond, is in die ouderdom van 89 oorlede.

Moore was die derde akteur om die rol van die Britse geheime agent te vertolk, tussen 1973 en 1985. Hy het in sewe rolprente die hoofrol vertolk, waaronder Live and Let Die en The Spy Who Loved Me.

Moore se kinders het in ’n verklaring gesê hul pa is in Switserland oorlede ná ’n kort, “dapper” stryd teen kanker. “Die liefde waarmee hy in sy laaste dae omring is, is so fantasties dat dit nie eens in woorde omgesit kan word nie,” het sy kinders Deborah, Geoffrey en Christian gesê.

Volgens die verklaring het Moore sy werk vir Unicef, die Verenigde Nasies se Kinderfonds, as sy grootste prestasie beskou. Moore se stiefdogter is in 2016 ook aan kanker oorlede.

Volgens Moore se kinders sal hy tydens ’n private diens in Monaco begrawe word.

Moore was ook bekend vir sy rol in die televisiereeks The Saint.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Carina

Roger was die beste en sexieste Bond van alle tye. Ek het al die Bond flieks. RIP Mnr Moore. Jy sal verseker gemis word.

Ekwilibrium

Akteur, Unicef ambassadeur, skrywer… Wat ‘n galante heer; hy het my geïnspireer om ‘n soos ‘n waardige jong man op te tree.

Lollie

Hy was my held. As jong meisie was my kamer vol van sy foto’s. Altyd gesê dit is my droomman. Ek sal hom vir altyd onthou! Nie gedink hy is al so oud nie

Bollie

Hy was ‘n goeie 007

T

Verseker die aantreklikste 007 gewees. Rip