Japan maak Wêreldbeker-geskiedenis

Foto: (AP Photo/Eugene Hoshiko)

Japan is die eerste span uit Asië om vir die kwarteindstryd van die Wêreldbeker-rugbytoernooi te kwalifiseer toe hulle vir Skotland met 28 – 21 in ’n epiese stryd in Yokohama gewen het. Hulle sal nou volgende Sondag teen die Springbokke in die uitspeelronde kragte meet.

Die Japannese het die verbeelding van die rugbywêreld aangegryp met hul kanniedood-houding, vasberadenheid en terriëragtige manier van speel.

Hulle is die beste span in Groep A van die toernooi nadat hulle die groepfase onoorwonne afgesluit het; hulle het onder andere met ’n Europese rugbyreus in die gedaante van Ierland klaargespeel, terwyl hulle ook met Samoa afgereken het.

En vandag teen Skotland was hulle weer eens die dapperheid vanself.

Foto: (AP Photo/Eugene Hoshiko)

Hulle het eerstens ’n agterstand uitgewis nadat Finn Russel vroeg vir Skotland punte aangeteken het en daarna het hulle self die krane oopgedraai om rustyd ’n gemaklike voorsprong van 21– 7 te geniet.

Kotaro Matsushima het eerste vir die Japannese gedruk na ’n skitterende aangee deur Kenki Fukuoaka en daarna het die einste Fukuoaka gewys dat hy een van die opwindendste spelers by die toernooi is.

Die blitsige vleuel het twee drieë gedruk terwyl hy sommer ook ’n keer of wat die bal by die verbaasde Skotte afgeneem het.

Elkeen van Japan se vier drieë was ’n juweel in eie reg en ʼn mens kan nie help om opgewonde te raak wanneer jy sien hoe hulle speel nie.

Foto: (AP Photo/Christophe Ena)

Hoewel Skotland waarskynlik nou aan bomskok ly, het hulle ook goeie rugby gespeel en veral Jamie Ritchie was ’n doring in die Japannese se vlees.

Maar vir eers kan daar ’n glasie vonkelwyn op Japan geskink word. Hulle het ’n tifoon, groter spelers, sterker internasionale sterre en meer ervare rugbylande gewys dat talent en passie ’n gevaarlike kombinasie kan wees.

Hulle het al die Springbokke vantevore in ’n Wêreldbeker-wedstryd geklop. En Rassie Erasmus se Bokspan sal vanjaar beslis weer eens hul beste moet gee om die Japannese te klop.

Hier kan ’n baie aanskoulike kwarteindstryd op rugbyliefhebbers wag.

Foto: (AP Photo/Christophe Ena)

Puntemakers:

Japan: Drieë: Kotaro Matsushima, Keita Inagaki en Kenki Fukuoaka (2). Doelskoppe: Yu Tamura (4).

Skotland: Drieë: Finn Russel, WP Nel, Zander Fagerson. Doelskoppe: Greig Laidlaw (3).

  • Hoe die kwarteindstryde lyk:

Engeland teen Australië (Saterdag om 09:15); Nieu-Seeland teen Ierland (Saterdag om 12:15); Wallis teen Frankryk (Sondag om 09:15) en Japan teen Suid-Afrika (Sondag om 12:15).

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

64 Kommentare

bernard ·

skotland kan in elk geval nie meer japan hof toe sleep na die tifoon storms nie

Frans C ·

Die Skotte is oordonder by die afbreekpunte waar ‘n mens die invloed van die NZ afrigters kon sien.As die Bokke netso pasief by die afbreekpunte gaan wees kan dit ‘n herhaling van 2015 wees.

Die Bokke is egter voorlangs veel sterker as Skotland en moet hul Japan eers voorlangs moeg dryf en skrum voordat hul die bal agtertoe laat gaan, want soos die All Blacks buit die Japanner foute blisvinnig uit.

Ig ·

Die Bokke gaan 2de kom as hulle dink dit gaan n walk in the park wees volgende Sondag. Vergeet van die opwarmings wedstryd wat so maklik gewen is.

Harry ·

Japan se agterlyn speel ordes beter as ons BEE-span se agterlyn en kan moontlik volgende naweek wen.

Rina ·

Glo almal hierdie uitslae. Ek kan my lag nie hou nie????????????????

Kerneels ·

Volgens statistiek kon geen span nog die WB wen sonder om AL die poel wedstryde te wen nie. Bokke 3 uit 4, Japan 4 uit 4…

Niklaas ·

Die Japanners se skare ondersteuning is groots. Mens het altyd in die verlede gedink hul is net gek oor karate , judo, suomo stoei en tafeltennis , maar dit lyk asof rugby groot aanhang begin kry onder daai nasie. Die Bokke mag glad nie te oorgerus wees oor Japan nie. Die 4 kwarteindstryde gaan besonder opwindend wees

JohanR ·

Loop lig Springbokke, baie lig. Japan is nou ‘n heel ander span as wat julle in ‘n vriendlike wedstryd uitgestof het. Baie versigtig vir vasval. Maar julle het darem Ierland vir nou vermy. Sal soe lekker wees as Ierland die All Blacks uitstof.

Bernard J ·

Dalk tyd dat Suid-Afrikaners ‘n les in maniere gaan leer by die Japanese. Eersgenoemde is ‘n verleentheid oorsee.

Kolskoot ·

Soos Japan vandag gespeel het kan enige span teen hulle verloor behalwe die Blou Bulle
Bokke se agterlyn gaan ons in die steek laat daar was 20 Japanners op die veld soos hulle gespeel het hulle is soos rooibye hou net nie op met steek nie het net nie einde nie geen geskoppery hoop Willie en ou Faffie het notussie geneem mooi Japan

Kerneels ·

“Blou bulle bokke agterlyn”…??? Wa val jy uit?! Slegs losskakel vd bulle.

Zumie ·

Haggis, hoewel die Japanese ten regte gewen (en ek hulle salueer vir hulle vasberadenheid en spanwerk) het lig ek ook my hoed vir die Skotte se aanhoudende veggees – met bietjie meer tyd en geluk kon die Skotte voor gekom het . Hulle het nooit gaan le nie.

Swartwolf ·

Bokke sal die wedstryd moet stadig maak, die bal hou, en seker maak hulle domineer die vaste fasette en die afbreekpunte. En dan sal hulle moet verdedig. Japan se agterlyn is stukke beter as die deurmekaar bokke, asook het hulle baie sterk dissipline en leierskap waar die bokke ver agter is. Bokke kan wen maar as hulle die wedstryd laat uittorring en Japan hardloop die bal gaan die bokke verloor.

Sven ·

Die klimaat sal ook ‘n rol speel. ‘n Warm aand met hoë vogtigheid sal die bokke stadig uitmergel. Japan het ‘n Plan B, die bokke karring maar aan soos teen Italië.

Nico ·

Wel die skrywer van hierdie berig bedoel seker opwindend van Japan se kant, want SA met skop-skop en nie die bal kan terug wen nie en ook nie hul reëls ken nie kan ook nie opwindend spel nie, of gaan Cosatu opgekommandeer word om met vandalisme te probeer om Japan te ontimideer.

Wiehan ·

Geluk Lappies met jou span sê vetoning sover. Hoop julle maak did 5/5 Saterdag.

Poot ·

Bokke gaan Japan mors. As die bokke verloor is ek die eerste wat op die platform sal humble pie eet. Japan het nie die “big game temprament” om verder te gaan in die WB nie.

NET EK ·

Wel dan beter jy nou al begin eet – Japan gaan die WB wen!!!!!

Stuiwer ·

Lekker Poot, ek stem saam jou. Ek sal na die game saam jou humble pie eet as die Bokke verloor. Gaan nou nie ‘n walk in the park wees nie, maar dalk so ‘n ligte ou draffie.

Bryce Lawrence ·

Rassie Erasmus se Bokke speel skop-skop en Japan speel rugby. Die Bokke kan bly wees die q-eind is Sondag teen Japan en nie Ierland nie.

Foxi ·

Pasop Bokkies, julle oge nie noutrek nie. Die Japaners is go getters en hulle spel is fantasties!

K P ·

Ek hoop die Japannese stof die kwota span van SA af sondag. Hulle speel tenminste met passie. Ek hoop rassie die opportunis en sy meesters die anc kry op hulle dinges.

Swartwolf ·

Albei Japan se flanke en kapteine, Lappies en Michael Leiths is beter spelers en leiers as die bokke se kaptein. En dis Japan, vergeet van Wallis, England, NZ en Aus se leierskap.

Joubert ·

Stem saam. Kolisi, onder andere, is duidelik ‘n politieke aanstelling en dit gaan ons moontlik duur te staan kom. Ek het voorheen ook al my voorspelling gemaak, as Duane Vermeulen nie kaptein is nie, gaan ons nie hierdie world cup wen nie.

Niklaas ·

Met die komende kwart eindstryde volgende naweek in sig , is ek baie verlig en voel positief oor Bokke. Dit het so uitgewerk dat ons speel teen Japan , en oorwinning is , ten spyte van tuisskare , baie moontlik vir Bokke. Ons sou meer gesukkel het teen gevaar spanne soos Allblacks , Engeland en Ierland. As ons Japan klop , wag die wenner van die Wallis/Frankryk stryd vir ons en daar behoort ons ook te seëvier. Dan is dit eindstryd toe , teen Engeland of NZ. Hoop maar als verloop goed vir ons. Japan is die eerste hekkie om oor te kom.

Kallie ·

Wallis is beter as die bokke. Hulle is voorlangs mededingend, maar hul agterlyn is klas, veral op 10,12, 13 en die agter driehoek.

Stephen ·

Die ANC Regering het alle trots in enigiets Suid Afrikaans vernietig. Ek is trots op my taal en sal altyd wees. Ek woon al 30 jaar buite SA en my ondersteuning vir die WB gaan aan Japan.

Nettie ·

@Stephen, so jy het die skip verlaat toe dit net-net begin lyk het asof dit wil-wil sink … jy is dus in ’89/’90 uit die land uit …. toe dit polities-gesproke BAIE moeilik in die land gegaan het en die WB net-net die eerste keer aangebied was. So, ondersteun maar vir Japan en bly lekker in die buiteland – en sjarrap, want jy is nie meer ‘n SAner nie.

Piet left the Building ·

Ek steun trots Amerika. Hulle is uit, nou steun ek die ABs. Die Bokke maak my naar.

Robert Naude ·

Weet iemand al wie is die skeidsregter. ? Een of 2 van hulle het ook ń groot invloed op die spel……dit is al bewys, en Japan bied die toernooi aan. Sal mos nice wees om hul in die finaal te hê…..

Derick ·

Die Bokke en hulle ondersteuners moet op hulle kniee gaan en vir Liewe Jesus dankie se dat hulle nie teen Ierland moet speel nie.

Johannes ·

Dis ‘n groot skande dat rugby op Sondag gespeel word. Mag die Bokke sommer baie sleg verloor!

Al ·

Stem Johannes. In dieselfde luim hoop ek Japan verloor ook baie sleg!!

Siener ·

Poot hulle speel 2 dae namekaar rugby. As dit nou Maandag by hulle is het hulle dan ook Sondag gespeel. 1+1 is regtig 2

Spook ·

Johannes, nou wat van dominee wat ‘m moordende Argus ry op Sondag?

Ai ja jai ·

Wonder of die bokke soos hulle krieket kollegas gaan maak teen indie. Wat n absolute skande. Indie het hulle flenters geslaan en geboul. Dink nie ek het so n loesing in jare gesien nie. Hulle het soos amateurs gelyk

Manie W ·

Japan het in 3 van hul 4 wedstryde, bo hulle vermoë gespeel en dit kan sy tol eis teen die Bokke wat behalwe vir die wedstryd teen NZ eintlik relatief maklike oorwinnings tot dusver behaal het. Ons was teen NZ nie op ons beste nie en hulle kon nie met die Bokke mors nie, dus het ek baie hoop dat ons met Japan kan afreken en goed ook. Ons moet die basiese dinge reg doen, die wedstryd stadig hou en dodelik verdedig. Ons het genoeg skietgoed om Japan uit te mergel en die wedstryd voorlangs te wen.

Stuiwer ·

Is so Manie. Di egroter spanne is met baie spelers in Japan en het die gemak van ‘n “weekspan” kies. Japan moes heeltyd met al hulle spelers speel en dit kan verseker die tol eis. NZ moet ook nie te gemaklik wees nie, met die wedstryd wat afgeskaf is sou hulle met hul beginspan gespeel het. Dus van hulle ouens het nou laas teen Canada gespeel.

JohanL ·

Poel A was die hierdie jaar die “deurmekaar” poel waar Japan die kaarte deurmekaar gekrap het. Ek het voor aanvang van toernooi gedink Ierland sal die poel wen, met Skotland en Samoa wat vir 2de plek uitbaklei. Maar Japan het ander planne gehad!

Die vraag is net vir hoe lank nog gaan Japan se sprokiesverhaal nog aanhou? As ons in ag neem dat die Skotte maar die 7de of 8ste sterkste span is en Japan moes speel tot die einde om te wen, glo ek nie Japan sal naby aan finaal kom nie. As SA hulle onderskat, dink ek gaan ons ‘n groot skok kry (of gaan dit ‘n skok wees?) en Japan kan deurgaan semi-finaal toe. Maar daar sal hul verhaal definitief tot ‘n einde kom.

As die Bokke nie die Japanese onderskat nie en volgens hul potensiaal speel, dan kan Japan se sprokiesverhaal ongelukkig vir hulle, wel die naweek al tot ‘n einde kom. Ek dink as mens vir Rassie voor die toernooi ‘n opsie gegee het of hy Japan in kwarteind wil speel, en dan moontlik Wallis of Frankryk in die semi-finaal, sou hy dit met ope arms aanvaar het. Wel hy het dit nou en nou moet hulle die situasie net tot hul voordeel benut.

Jeni ·

Ek kan nie glo dat Suid Afrikaners so negatief teenoor die Bokke kan wees nie, genade
hou dan op om Bokke rugby te kyk of trek uit die land uit. Ek staan agter Bokke wen of verloor!

Poot ·

@Jani
Baie dankie Jeni. My sentiment ook. Maar kom die game dan sit hulle vasgenael voor die tv.

Jimmy ·

Regtig? Hoe kan jy ‘n span ondersteun wat moet voldoen aan politieke druk? Selfs Etzebeth word nou geteiken. Bokke met inbors behoort te onttrek. Go All Blacks!!!!!

Dolf ·

Ek weier om na enige wedstryd te kyk waain die Springbokke speel, selfs al is dit die RWC finaal. Die span walg my.

K P ·

Niemand gaan my vertel wie om te ondersteun en nog minder gaan iemand my vertel of ek in die land moet bly of nie. Go Japan

Nettie ·

Sterkte, Bokke. Ek het voorspel dat julle miskien tot net na die groepsfase sou vorder (met groot geluk ….), maar dan is dit KATJOEF!!! met die Bokke, terug huistoe. Ek skree nog steeds vir julle Sondag, maar hou nie asem op dat julle sal wen nie.

Bryce Lawrence ·

As almal teen almal moes speel dan was die Bokke al by die huis. Soos in 2007 hoop hulle ander spanne skakel die gunstelinge uit. Japan se sprokie sal aanhou, die skeidsregters het n opdrag om uit te voer. Net soos in 2010 toe Bafana erg bevoordeel is.

Verbrande hout ·

As (ai daai woord) almal teen almal moes speel, was die Bokke nog nie by die huis nie – feit. En hoe weet ek dit? Want hulle sou nou nog besig gewees het met jou sg “almal-teen-almal” uitspeel fase :) :) :) :) – dit is baie wedstryde wat jy wil speel.

Skeidsregters sal bars en sukkel om Japan te laat aanhou wen tot die beker hulle sin is – nee wat.

Frans C ·

Laat ek ‘n klip in die hoenderhok (rugbyhok) gooi.Die dae is verby dat nasionale spanne suiwer nasionale spanne is.Die meeste groot spanne wemel van spelers wie se aansoek om naturalisasie geslaag het.
Ook is baie afrigters nie burgers van die land nie.So is Lafaele in Samoa gebore maar het in NZ skoolgegaan en sy rugby daar geleer.Asaeli Valu is ‘n Tongaan.Hendrik Tui is ‘n NZ speler van Auckland.

So kan ‘n mens aangaan.Die punt is dus dat ‘n mens nie teen ‘n suiwer Japenese span te staan kom nie maar eerder teen ‘n internasionale span.Dieselfde kan egter van baie ander sg nasionale spanne gesê word.

Daar is nog net ‘n paar lande wat nog kan sê dat hul werklik verteenwoordig word deur
spelers wat inheems van die land is.Dit is nadeel van beroepsrugby en dit het dalk tyd
geword dat ons Super 15 spanne en self nasionale span hul net wyer sal moet begin span om kompeterend te bly.

Dink net hoe die styf bolip Engelse gaan kraai as hul met behulp van ander lande se spelers die beker gaan wen nie.

Frans C ·

Net om te keer dat een of ander wysneus terugkom en sê dat die name wat ek genoem het
spelers en nie afrigters is,dan is dit goed want dit is spelers.

Pietsnot ·

Ja, Frans C, n wysneus soos “Verbrande Hout”, wat nie vir homself kan dink nie. Almal teen almal kan soos in krieket, net die beste tien lande wees.

Frans C ·

Laat ons niks wegneem van die Japanners se prestasie nie,maar die feit is dat amper
50% van die span se spelers, spelers van ander lande is wat burgerskap deur lang verblyf verkry het.

Stefan ·

Die Japanese Barbarians se Bubble gaan Sondag goed gebars word deur Bokke met 30 of meer punte- Laerskoolseuns teen Hoerskool harde baarde.
Japan was gelukkig teen Ierland- n paar twyfelagtige strafskoppe teen Ierland, en as Gregor Townsend beter gekies her vir Skotse Wereldbeker groep- manne soos Josh(Yster) Strauss en Huw(Twinkle Toes) Jones daar was, dan sou Skotland ook gewen het
Jy mors Japan met jou voorspelers op en dan is Bob your Uncle.
Japan het tweede rangse spelers wat in hille eie lande nooooiiiit naby die nasionale span sou kom nie, toe vlug hulle Japan toe en word vinnig Burgers van Japan

Frik ·

Met ander woorde na Sondag het Erasmus steeds nie ‘n idee hoe goed of sleg sy span is nie. Hulle was in elkgeval hopeloos teen ‘n swak Italië.

Poot ·

@Siener
Dis verblywend om te sien jy kan eenvoudige sommetjies maak. So…… Bokke vs Japan= ñ Bok oorwinning. Eenvoudig genoeg vir jou?

Poot ·

Siener
Gaan groot ou maat. “Sien” jou in die volgende berig na die bokke se wen.

Bokke Bo! ·

BEEE. Kwotas raak nou afgesaag Willie le Roux misvang swak aangee en Faf de klerk als wegskop en trapsuitjie lyk al meer na kwotas en daars nog ons Volk wil en kan dit egter nie insien nie!

Frik ·

Die kwota moet 50% wees, nie 25% nie. Erasmus haal nie eers die slaagsyfer nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.