Jong man se toespraak besorg hom ruimtereis

Hussain Manawer

Hussain Manawer

ʼn 24-jarige Brit het ʼn ruimtereis gewen met sy roerende toespraak oor geestesongesteldheid.

Hussain Manawer van Ilford sal in 2018 reis na die area tussen die atmosfeer en die buitenste ruim waar daar geen gravitasie is nie, sowat 95 km bó die aarde. Die webwerf metro.co.uk berig Manawer is staande toegejuig nadat hy sy toespraak op die Kruger Cowne Rising Star-kompetisie in Bangkok gelewer het.

Manawer se toespraak oor sy stryd met geestesongesteldheid het hom gehelp om stof in die oë te skop van deelnemers van 90 verskillende lande, en met die One Young World’s Rising Star-toekenning weg te stap. Manawer lewer ook praatjies oor boelies by skole en het ʼn groot bedrag geld ingesamel vir liefdadigheid deur berg Kilimandjaro te klim.

One Young World is ʼn jaarlikse beraad waar honderde jong mense van regoor die wêreld byeenkom om oor internasionale probleme te debat te voer en met oplossings vorendag te kom. Die Rising Star-program word deur die talentbestuuragentskap Kruger Cowne gesteun en is ʼn “internasionale soektog na ʼn jong ikoon van die toekoms”.

ʼn Uittreksel uit Manawer se toespraak:

Dear mum, I wasn’t meant for this planet. You did everything you could so please don’t panic. No one likes me so I might as well vanish.
See I write stories – I write them on my arm.
Only I can read them, but the doctor calls it self-harm.
When I bleed he tells me to put on a plaster – but I’m depressed inside, there’s no bandage for this internal disaster.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.