Kalifornië se verbod op aanvalswapens omgekeer

Hoewel die koronaviruspandemie geweld by die werkplek verminder het omdat meer mense tuisgebly het, het dit ook tot rekordhoë vuurwapenverkope gelei. (Foto ter illustrasie: pixabay)

ʼn Amerikaanse regter het Kalifornië se verbod oor drie dekades heen op aanvalsgewere Vrydag omgekeer in ʼn stap wat blitsig deur die staat se goewerneur, Gavin Newsom, veroordeel is terwyl vuurwapen-verwante voorvalle in die VSA toeneem.

In ʼn 94 bladsy lange uitspraak beskryf federale regter Roger T Benitez Kalifornië se verbod op aanvalsgewere – wat in 1989 ingestel is – as ongrondwetlik en verdedig hy die reg van Amerikaners om semi-outomatiese gewere te besit.

“Soos die Switserse weermagmes, is die gewilde AR-15-geweer die perfekte kombinasie van tuisverdedigingswapen en binnelandse verdedigingstoerusting,” skryf hy.

“Vuurwapens en ammunisie in die hande van misdadigers, tiranne en terroriste is gevaarlik; vuurwapens in die hande van wetsgehoorsame, verantwoordelike burgers is beter,” voer hy aan.

Benitez het die staat 30 dae gegee om teen die uitspraak te appelleer, terwyl die goewerneur gesê het dit hou ʼn “regstreekse bedreiging vir openbare veiligheid in”. Hy het onderneem om die besluit te betwis.

“Ons deins nie terug van die stryd nie en ons sal aanhou vra vir gesonde verstand oor vuurwapenwetgewing wat lewens sal red,” het Benitez in ʼn verklaring gesê.

Die besluit kom te midde van ʼn toename in vuurwapengeweld in die VSA en net meer as ʼn week nadat ʼn ontevrede, swaar gewapende amptenaar van die openbare vervoerstelsel nege mense doodgeskiet het.

ʼn Deursoeking van die aanvaller se huis – wat kort voor die aanval aan die brand gesteek is – het tot die opsporing van 12 vuurwapens, sowat 22 000 koeëls en items wat moontlik petrolbomme was, gelei.

Massaskieterye het ook in Florida, Indiana, Kalifornië, Colorado en Georgia plaasgevind in ʼn vlaag geweld wat pres. Joe Biden as ʼn “epidemie” bestempel het.

Dit sal die eerste groot saak oor die grondwetlike reg om ʼn vuurwapen te besit wees wat die land se hoogste hof in meer as ʼn dekade aanhoor.

Hoewel die koronaviruspandemie geweld by die werkplek verminder het omdat meer mense tuisgebly het, het dit ook tot rekordhoë vuurwapenverkope gelei.

In Maart verlede jaar het die getal weeklikse federale agtergrondsoektogte oor vuurwapenkopers vir die eerste keer die eenmiljoenkerf verbygesteek, het The New York Times berig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Persheks Adri

Kan iemand ASB hierdie vir hoedeman en Cyril in al die tale stuur sodat hulle mooi verstaan wat aangaan?

“Vuurwapens en ammunisie in die hande van misdadigers, tiranne en terroriste is gevaarlik; vuurwapens in die hande van wetsgehoorsame, verantwoordelike burgers is beter,” 

Uiteindelik iemand wat logika en redenasie vermoë het! Give this man a bells!

Persheks Adri

Weet Biden wat is ‘n epidemie?

Persheks Adri

Regtig Maroela julle vat amper ‘n uur om my kommentaar te plaas gggmmmfff!!!

Persheks Adri

Kan iemand ASB hierdie vir die kabinet in al die tale stuur sodat hulle mooi verstaan wat aangaan?

“Vuurwapens en ammunisie in die hande van misdadigers, tiranne en terroriste is gevaarlik; vuurwapens in die hande van wetsgehoorsame, verantwoordelike burgers is beter,” 

Uiteindelik iemand wat logika en redenasie vermoë het! Give this man a bells!

Pieter

Af duimpies bevestig seker jy sal jou self beskerm met ñ Baksteen en assegai. Of jy hou nie van geweld nie en lees nuus anders as ons wat voel self verdediging begin by veilige wapen Hantering en besit van 1 en meer + ñ lisensie