Kameelperdjie sonder kolle gebore

Die kameelperdjie wat sonder kolle gebore is (Foto: Brights Zoo/Facebook)

ʼn Kameelperdjie wat in Tennessee in die VSA sonder kolle gebore is, maak reeds opslae oor haar seldsame karaktertrekke.

David Bright, direkteur van Brights-dieretuin, sê die kameelperd is op 31 Julie gebore en staan reeds 1,8 meter hoog. Volgens Bright is dit ʼn baie seldsame gebeurtenis vir ʼn gevlekte kameelperd.

“Sy is ʼn mooi, soliede bruin kleur, sonder enige van die spesie se kenmerkende patrone wat haar in die natuur met kamoeflering sou help,” het Bright gesê.

Dit is die eerste kameelperd waarvan ons weet wat sonder kolle gebore is, sedert 1972 in Japan, het hy bygevoeg.

Die kameelperd het nog nie ʼn naam nie. Gebruikers op die dieretuin se Facebook-blad het onder andere die volgende voorstelle gemaak:

• Kipekee (uniek)
• Firyali (ongewoon, buitengewoon)
• Shakiri (sy is die mooiste)
• Jamella (een wat baie mooi is)

Die dieretuin sal op 4 September die finale uitslag aankondig.

“Sy floreer onder die sorg van haar waaksame ma en die dieretuin se ervare personeel,” het Bright in ʼn verklaring gesê. Hy hoop dat die publisiteit oor die kameelperd bewusmaking sal skep aan die bedreiging wat gevlekte kameelperde ervaar.

Tony Bright, stigter van die dieretuin, het gesê dié kameelperde se getalle is besig om in die natuur te kwyn. “Sowat 40% van die wilde kameelperdbevolking het die afgelope drie dekades verlore gegaan.”