Kaptein van Suid-Koreaanse rampboot kry lewenslank

Foto: Suid-Koreaanse Kuswag

Foto: Suid-Koreaanse Kuswag

Die kaptein van die Suid-Koreaanse veerboot, die Sewol, is lewenslange tronkstraf opgelê vir moord.

Meer as 300 mense het in die ramp omgekom toe die Sewol op 16 April verlede jaar omgeslaan het.

Die aanklaer het die doodstraf vir Lee Jun-seok gevra. Hy dien reeds 36 jaar gevangenisskap vir nalatigheid uit.

Die meeste van die oorledenes was leerders op ’n vakansierit. Toe die boot in die moeilikheid beland, is die passasiers na hul kajuite gestuur, terwyl die bemanning self ’n ruk later die boot verlaat het.

Nog etlike bemanningslede is ook tronkstraf van wisselende tydperke opgelê.

Slegs 172 van die passasiers het die ramp oorleef.

Bron: ANP

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae