Kiwi’s boos oor ou SA vlag

Die ou Suid-Afrikaanse vlag word pertinent in ’n winkelvenster in Nieu-Seeland se hoofstad vertoon.

Inwoners van ʼn voorstad van Wellington, Nieu-Seeland se hoofstad, is die hoenders in oor ʼn ou Suid-Afrikaanse vlag wat in ʼn winkelvenster vertoon word.

Die vlag, wat in ʼn winkel genaamd Biltong and Wors Shop se venster te sien is, word as “rassisties” bestempel, berig stuff.co.nz.

Een van die ontstoke inwoners, Richard Stephen, sê hy het die vlag Saterdagaand vir die eerste keer gewaar. “Hulle behoort van beter te weet. Dis rassisties. Dis ʼn simbool van blanke baasskap en apartheid.”

Die webtuiste het ʼn man wat homself geïdentifiseer het as die eienaar van die winkel om kommentaar genader. Hy het gesê hy weet mense neem aanstoot, maar wou nie kommentaar lewer nie.

Steven Scheckter, wat ʼn winkel elders in Wellington besit wat ingevoerde Suid-Afrikaanse goedere verkoop, het gesê “dis baie onnosel” om die ou vlag te vertoon omdat dit verdeeldheid saai. Volgens hom verteenwoordig dit “beter tye” vir wit Suid-Afrikaners, maar vir ander Suid-Afrikaners is dit ʼn simbool van apartheid en rassisme.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

160 Kommentare

jongste oudste gewildste
Kiwi burger

Ek dink die nuwe vlag doen meer skade. Daar is meer n teken van rasisme en apartheid. Rasisme is nou in volle swang in SA

Staak saam

In die 80s was daar mos n film wat Jesus in n baie swak lig gestel het, die Christem publiek was ontstoke en ek onshou nog die koerat opskrifte, RELAX IT’S ONLY A MOVIE!

Nou is my boodskap aan hulle,
RELAX, IT’S ONLY A FLAG!!!!

Hartseer

Jul wat in NZ bly moet liewers jul monde hou oor SA. Kom terug en kom kyk wat hier aangaan dan praat ons weer.

Peter

Niks fout met die ou vlag nie.

Jip van Ja

Stem.
Oranje Blanje Blou, die meisies hou van jou!