Klag teen Trump by senaat ingedien

Die dokumente vir oudpres. Donald Trump se staat van beskuldiging op pad na die senaat. (Foto: Melina Mara / POOL / AFP)

Die Amerikaanse huis van verteenwoordigers het Maandag die nodige dokumente vir oudpres. Donald Trump se staat van beskuldiging aan die senaat voorgelê.

Trump (74) word daarvan beskuldig dat hy vroeër vandeesmaand die aanval op die Kongresgebou in Washington DC aangehits het.

“Donald John Trump het hom skuldig gemaak aan ernstige misdade en minder ernstige oortredings deur geweld teen die regering van die Verenigde State aan te hits,” lui die klag wat verteenwoordiger Jamie Raskin, wat die staat-van-beskuldiging-verhoor gaan lei, aan die senaat voorgelees het.

Luidens die klag het Trump ook die integriteit van die demokratiese stelsel bedreig en ’n vreedsame magsoorgang bemoeilik.

Trump is vroeër vandeesmaand vir ’n ongekende tweede keer in ʼn staat van beskuldiging geplaas. Die oudpresident se verhoor sal na verwagting gedurende die week van 8 Februarie afskop en indien skuldig bevind, kan Trump verbied word om in 2024 weer as presidentskandidaat deel te neem.

Die 100 lede van die senaat, wat as jurielede gedurende die verhoor sal optree, word Dinsdag beëdig.

Maroela Media het vroeër berig vier betogers is gedurende die chaos by die Kongresgebou dood, onder wie ʼn vrou wat deur die polisie geskiet is, waarna ʼn polisiebeampte in ’n hospitaal aan beserings beswyk het wat hy tydens ʼn struweling met betogers opgedoen het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

22 Kommentare

jongste oudste gewildste
Kokerboom

Die heksejag en kleinlikhede is besig om die eens magtige VSA te rysmier ten gunste van China

Piet

17 trompoppies is nodig om saam met die demokrate te stem in die senaat vir trompie se impeachment. Onwaarskynlik, hulle sal volgens party orientasie stem. Die vervolgingsgesag moet egter nog besluit of trompie krimineel vervolg gaan word so dalk kry trompie tog nog ‘n paar jaar in ‘n oranje pakkie.

ES

Die “Greatest country in the world” is nou nie meer so “great” nie. Net soos SA, Nederland, Spanje en vele ander lande sukkel die leiers om die burgers in toom te hou en om betogings onder bedwang te bring.

Mense is moeg vir leiers en besluitnemers wat nie omsien na die belange van die burgers wat hulle ingestem het nie.

annie

En skielik sè Biden nou dat hy nie glo die klagtes teen Trump sal slaag nie. Is dit omdat die stories oor homself nie wyk nie? CNN is klaar besig om Kamala blink te vryf en op te tof tot hul volgende top-indoena. Biden het byna sy doel gedien… nog net ‘n paar ou bokke in die kraal kry, al die skewe lanterns afstof, die wette van Trump dump en Navo na Poetin se grens pos… en ons reg vir nog ‘n strofe van Lady Gagga by Kamala se troonrede.

andre

Ek wonder of Biden ooit n jaar in sy pos gaan wees voor Kamala(Big Tech Companies) oorvat