Kollegas val mekaar met sleutelborde aan

Argieffoto (Foto: max-i-m, Pixabay)

Argieffoto (Foto: max-i-m, Pixabay)

ʼn Man is in hegtenis geneem toe twee werknemers mekaar met hul rekenaarsleutelborde in ʼn kantoor aangeval het.

Die polisie in Manchester in die Verenigde Koninkryk is Maandag omstreeks 12:45 ontbied toe ʼn bakleiery uitgebreek het in ʼn raadsaal by ʼn kantoorgebou in die middestad, het die Manchester Evening News berig.

Die werknemers het mekaar glo met hul sleutelborde geslaan. Die polisie het ʼn man in hegtenis geneem op aanklag van aanranding. Hy bly in aanhouding.

Talle humoristiese aanmerkings het gevolg ná die Greater Manchester-polisie die voorval op sy Twitter-rekening bevestig het. Een van die gebruikers het geskryf: “Here’s hoping you’ve soon got them under Ctrl, and brought their scrapping to an Alt. Don’t let them Escape.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
KarooKlong

Beste nuus van die dag?

Popeye

Control Alt en Delete…reboot….goeie storie!!!

Se Maar Net

Ek het ook al gevoel ek kom iemand by in die kantoor.

m

Dis nou lekker storie om die dag mee te begin..

Joann

Seker nie geweet waar voor die sleutelborde is nie.