Koningin verbreek stilte oor Harry en Meghan

Prins Harry en sy vrou, Meghan, verlede jaar tydens hul besoek aan Suid-Afrika. (Foto: Courtney Africa, AP)

Koningin Elizabeth het Maandag uiteindelik haar swye verbreek oor haar kleinseun prins Harry en sy vrou, Meghan, se aankondiging dat hulle ʼn minder aktiewe rol in die Britse koningshuis gaan speel en finansiële onafhanklikheid wil nastreef.

Die koningin het in ʼn verklaring gesê dat sy en haar gesin konstruktiewe besprekings op die Sandringham-landgoed gehad het oor Harry en Meghan, die hertog en hertogin van Sussex, se toekoms.

Dit kom nadat dié koninklike egpaar bekend gemaak het dat hulle ook beplan om voortaan hul tyd tussen Brittanje en Noord-Amerika te verdeel. Dié omstrede verklaring is in die internasionale media “Megxit” gedoop.

“Ek en my familie steun Harry en Meghan se begeerte om ʼn nuwe lewe as ʼn jong gesin te skep ten volle. Hoewel ons sou verkies dat hulle aanbly as voltydse lede van die koninklike familie, respekteer en verstaan ons hulle wens om ʼn meer onafhanklike lewe as ʼn gesin te lei terwyl hulle ʼn waardevolle deel van my familie bly,” lui die verklaring.

“Harry en Meghan het dit duidelik gemaak dat hulle nie afhanklik van die publiek se geld wil wees in hul nuwe lewe nie. Daarom is daar ooreengekom dat ʼn daar ʼn oorgangstydperk sal wees wat die twee in Kanada en Brittanje sal deurbring.”

Die koningin het verder gesê dit is ʼn komplekse aangeleentheid vir die Britse koningshuis om op te los. “Daar is nog werk om te doen, maar ek het gevra dat finale besluite geneem word in die komende dae.”

Harry en sy gesin het nie koningin Elizabeth se tradisionele Kersfees-byeenkoms op haar Sandringham-landgoed verlede maand bygewoon nie. Hulle is na Kanada en het ook by Meghan se ma in Kalifornië gaan kuier. Meghan het in Los Angeles grootgeword en in Toronto gewoon tydens die verfilming van die televisiereeks Suits waarin sy gespeel het.

Daar is al ‘n geruime tyd gerugte dat die egpaar na Kanada wil verhuis.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

58 Kommentare

jongste oudste gewildste
Pieter

Los kanada kom bly by jou broers in S.A dit gaan lekker hier

Poplap

Meg se sus het mos gesê,wat Megan wil hê,sal Megan kry. Lyk my haar voorspellings word waar. Prins Harry was so gewild by di publiek. Ek dink sy is jaloers dat hy meer gewild was as sy.

JohanR

Ons het nie rerig gedink sy gaan die lewe van die VSA en Hollywood veruil om handjies vir 50 jaar te skud nie? Arme Harry….weet seker nie mooi wat hom getref het nie. Wonder hoeveel maal hy al gebuig het en gese het ja baas, ja baas, ja baas vir misies? Gee die huwelik nog vyf jaar.

Christo

Dis duidelik dat sekere mense nie buitelandse nuus lees nie. Net die Londense Daily Telegraph het oor die naweek ‘n geheel ander beeld van die situasie geskets. Nog steeds ernstig, dog baie meer gebalanseerd. Aan die ander kant is dit geheel outyds dat die man alleen seggensreg in die huwelik het. Snaakse ding in die huwelik; mamma sê die kinders het skoolskoene nodig en pappa se beursie loop sommer so vanself leeg. Kannieannersie. Ma’ da’sie ‘n inkilte man wat sal bieg da’oor’ie.

Dienkie

Dit wil mos nou al vir my voorkom asof wanneer Megan se dat Harry moet spring vra hy vir haar hoe hoog hy moet spring.