Koninklikes deel groot nuus

Prins William en Kate Middleton, die hertog en hertogin van Cambridge

Kort ná verlede week se tragiese 20-jaar-herdenking van prinses Diana se dood, het die koninklike familie Maandag groot nuus bekendgemaak.

Prins William en Kate Middleton, hertogin van Cambridge, verwag hul derde baba. ʼn Verklaring wat Maandag deur die Kensington-paleis uitgereik is, meld dat die koningin verheug is deur dié nuus.

Luidens die verklaring ly Kate aan hyperemesis gravidarum, ʼn baie ernstige vorm van oggendnaarheid, en sal sy nie Maandag haar verpligtinge kan nakom nie.

Kate en William het reeds twee kinders, prins George en prinses Charlotte.

Prins George is op 22 Julie 2013 by die St Mary’s-hospitaal in Engeland gebore en prinses Charlotte is op 2 Mei 2015 by dieselfde hospitaal in die lewe gebring.

Die wêreld het verlede week hulde gebring aan prinses Diana, William en Harry se ma, wat op 31 Augustus 1997 in ʼn motorongeluk in Parys oorlede is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
Ano

Baie geluk! Ouma Diana sou super bly gewees het

My mening

Twee pragtige mense. Die oumense sou gesê het ‘Prins Willem en Kaatjie Middeltoon’. Hulle is voorwaar ‘n voorbeeld vir die jeug.

Penelope

Hulle is pragtige mense waarna die jonges van vandag kan opkyk. Wens net Ouma Diana kon
deel wees van hul vreugdes.
Ek wonder net hoe kyk Camilla die kinders in die oe na haar aandeel in die egskeiding.
Dit kan nie maklik wees om haar te aanvaar na alles wat Diana mee vorendag gekom het nie….

Riaan Myburgh

Hoekom is die klomp se lewens enigsins relevant?

Dereck Le Roux.

Die Kate Middleton saga is al net so afgesaag soos die Karlien van Jaarsveld saga, my kinders een kleinkinders hoef nie ‘n milimeter vir hulle tereg te staan nie.