Koronavirus: Dokter sterf; virus versprei na ander lande

‘n Pasiënt word by Zhongnan-hospitaal behandel (24 Januarie 2020) (Foto: Xiong Qi/Xinhua via AP)

ʼn Dokter wat pasiënte in Wuhan, China behandel het wat met die koronavirus besmet is, het Saterdag gesterf.

Die Paper-koerant berig Liang Wudong (62) het by die Hubei Xinhua-hospitaal gewerk en is op 18 Januarie in die hospitaal opgeneem, twee dae ná die eerste simptome van die siekte opgemerk is.

Die South China Morning Post het berig die werklike getal dokters wat met die virus besmet is, is baie hoër as die amptelike syfer.

Die onbekende tipe virale longontsteking is laat in Desember opgemerk. China en die Wêreldgesondheidorganisasie het intussen bevestig dit is ʼn nuwe vorm van die koronavirus, tans bekend as 2019-nCoV. Volgens China se Nasionale Gesondheidskommissie is 1 287 persone met die virus besmet en minstens 41 persone het reeds gesterf.

Gevalle van die nuwe koronavirus is ook in die VSA, Suid-Korea, Japan, Viëtnam, Singapoer, Thailand, Frankryk, Nepal, Australië en Taiwan aangemeld. Die Wêreldgesondheidsorganisasie het Donderdag gesê dit is nog te vroeg om ʼn wêreldwye noodtoestand af te kondig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
Leonie

Die werklike getal sal nooit bekend aan die wêreld gestel word nie. Massa paniek moet vermy word. Laat my dink aan Chernobyl wat ook noodsaaklike inligting weerhou het tot dit te erg geraak het.

Hendrik van George

Hier kom ‘n lelike ding……

Jan

Ag nee wat did n klug om mense skrik te maak om inentings te vat… En lekker maklik geld te maak uit n dom publiek…

Johan Venter

Jig, ek lees daardie laaste paragraaf van waar die virus tot dusver al aangemeld is, so dit versprei …….

Leon

Koors….