Koronavirus: Gevalle verdubbel byna by die dag

Pendelaars ry Dinsdag ‘n roltrap in Tokio. (Foto: Jae C. Hong)

Die dodetal weens die nuwe tipe koronavirus wat onlangs uitgebreek het, staan nou op 106 met die aantal gevalle in China wat binne ʼn dag byna verdubbel het.

Daar was Maandag altesaam 4 515 gevalle in dié land aangemeld vergeleke met 2 835 die vorige dag. Sowat 976 van dié pasiënte verkeer in ’n ernstige toestand.

Die eerste geval van dié dodelike virus is nou ook in Duitsland aangemeld.

Die ministerie van gesondheid in die suidelike deelstaat Beiere het Maandag gesê ʼn man van Starnberg, suid van München, is tans in ʼn stabiele toestand, maar word streng gemonitor en in isolasie gehou. Persone wat in noue kontak met die man was, word ook tans ingelig oor moontlike simptome van dié virus. Dit sluit erge koors en asemhalingsprobleme in.

Volgens die ministerie hou die man egter ʼn lae risiko vir die algemene bevolking in Beiere in.

Leerders staan in ‘n ry om hul hande te ontsmet by ‘n hoërskool in Phnom Penh, Kambodja. (Foto: Heng Sinith, AP)

Meer as 40 gevalle is ook in ander lande aangemeld. Die meeste van dié besmettings hou verband met Chinese toeriste of mense wat Wuhan onlangs besoek het.

Teen Maandag was die lande met die meeste gevalle, buiten China, Thailand (8), Amerika (5), insluitend Kalifornië, Chicago en Washington, Suid-Korea (4) en Japan (4). Ander lande waar die virus opgemerk is, is Frankryk (3), Viëtnam (2), Kanada (1) en Nepal (1).

Asiatiese aandeelmarkte het ook gister vir ’n tweede dag getuimel weens kommer oor die wêreldwye ekonomiese impak van die virus.

Die Amerikaanse konsulaat in Wuhan, waar die eerste geval aangemeld is, is tans besig om sy diplomate en ander Amerikaners uit die stad te vlieg. Japan, Frankryk, Mongolië en ander regerings beplan ook ontruimings.

Altesaam 17 Chinese stede het intussen openbare vervoer opgeskort met die Chinese Nuwejaar-vakansie wat met drie dae tot Sondag verleng is om die risiko van infeksie te verminder deur kantore en fabrieke landwyd gesluit te hou en die publiek tuis te hou.

Die regering van Sjanghai, ’n wêreldwye sakesentrum van 25 miljoen mense, het die vakansie in dié stad met ’n bykomende week tot 9 Februarie verleng.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

18 Kommentare

jongste oudste gewildste
ID

In eerste wereld lande al op getel en nog niks in Afrika nie moeilik om te glo met al die ..nese hier

Kan ernstig raak

Dit is veral kommerwekkend dat die virus so vinnig al hoe meer mense besmet binne ‘n baie kort tydperk. Dit klink nie goed nie, veral as die virus begin muteer. As daar nog meer mense is wat besmet is waarvan die owerhede miskien nie bewus van is nie kan die situasie reeds ernstig wees of raak. Maar dit is ook nie goed nie om onnodig spoke op te jaag nie.

@ID

Dit is vandag, volgens berigte, in Afrika geidentifiseer. Dit lyk of die virus vinnig versprei en dat die wêreld owerhede nie gereed is nie of selfs verward is. Ek dink nie hulle het verwag dat die virus so snel sal versprei nie.

Nou in Afrika

Die eerste geval in Afrika is ‘n 34 jarige wat van ‘n vliegtuig af geklim het vanaf Beijing by die Félix-Houphouët-Boigny Lughawe in Abidjan in die Ivoorkus en die owerhede daar het haar geisoleer.

Pottie

Die goed eet mos als wat hulle in die hande kry hulle is n morsige nasie. Klink baie bekend hier by ons gaan dit mos ook so