Koronavirus: Wuhan moet hospitaal binne ses dae bou

‘n Pasiënt word by Zhongnan-hospitaal behandel (24 Januarie 2020) (Foto: Xiong Qi/Xinhua via AP)

Dit sal slegs ses dae neem om ʼn nuwe hospitaal in Wuhan in China op te rig waar die koronavirus-epidemie uitgebreek het.

Die fasiliteit, wat 1 000 pasiënte sal kan huisves, word deur voorafvervaardigde komponente gebou, aldus staatsmedia. ʼn Video van die konstruksieperseel (sien onderaan die berig) wys hoe grondverskuiwingstoerusting die gebied gereed maak. Die fasiliteit sal na verwagting op 3 Februarie reeds sy eerste pasiënte ontvang.

Tydens die ernstige akute respiratoriese sindroom (Ears of SARS in Engels)-pandemie in 2003 is ʼn behandelingsentrum binne sewe dae deur duisende werkers in Beijing opgerig.

Die koronavirus, wat aanvanklik in Wuhan aangemeld is, het oor China heen en na ander lande, waaronder Frankryk, die VSA en Australië, versprei. Staatsmedia het Saterdag bevestig minstens 41 persone is dood en 43 miljoen persone is in kwarantyn geplaas terwyl openbare vervoer en openbare vergaderings opgeskort is. Die meeste gevalle is in Wuhan aangemeld. Die koronavirus is vermoedelik oorgedra van wilde diere wat op ʼn seekosmark verkoop is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
Docepb

Mooi, China. Die ANC kon in laaste 26 jaar nie ń nuwe hospitaal bou nie

Z

Dit kan net met dissipline gedoen word.
Wat sou gebeur as dit SA was?

JW

Ja Renê baie waar wat jy sê-die kriminele hier in die nuwe Suid-Afrika sal beslis verbeter op die 6 dae rekord om n hospitaal op te rig- hulle sal n baie vinniger rekord opstel om so n hospitaal te kan afbreek en wegdra

Johan

Die Chinese bou ‘n hospitaal in 6 dae. In Suid-Afrika kan hulle nie ‘n kragsentrale in baie jare bou nie!

Swannie

In Suid Afrika kan ons op `n ander rekord verbeter.

Hier kan `n hospitaal binne SES dae kaal gestroop en afgebreek word.