Organiseerders van die Shenzhen-halfmarathon in China sê die 258 hardlopers wat verlede Sondag betrap is dat hulle kul, sal nie kan weghol van die gevolge van hul dade nie.
Altesaam 18 deelnemers het vals beffies gedra en drie het namens ander gehardloop, berig The Guardian. Dié hardlopers kan lewenslank verbied word om aan die wedloop deel te neem.
Die orige 237 deelnemers, wat onder meer kortpaaie tydens die wedloop gekies het, maar uitgevang is deur verkeerskameras en plaaslike fotograwe, kan vir twee jaar daarvan weerhou word om deel te neem.
In die mees blatante geval het ʼn verkeerskamera hardlopers afgeneem waar hulle minstens 1 km voordat hulle veronderstel was om ʼn U-draai te maak, omgedraai het en so amper 10% minder as die veronderstelde roete van 21 km te hardloop.
Op ander beeldmateriaal kan gesien word hoe hardlopers deur bosse en tussen bome deur hardloop wat twee dele van die roete geskei het.
Die organiseerders beskryf die grootskaalse kullery as “ʼn skreiende skande” en sê hulle betreur die oortredings. “Deelname aan ʼn marathon is nie net oefening nie; dis ʼn metafoor vir die lewe en elke hardloper is vir hom- of haarself verantwoordelik.”
Die mens is van nature so. Humanisme is ‘n leuenfilosofie
Jaaa né. Jy wou mos skelm wees. Dra nou die gevolge.
Hoekom gaan worry oor wie gecheat het in die marathon.
China is reeds besig Om Zimbabwe en Mosambiek en nou ook SA uit ons lands te cheat. SA Sal dan bekend staan as CHSAFRICA. Ek dink ons gaan lekker leef hier.
Chifrika
Ek was nie daarvan bewus dat ANC- en EFF-lede deesdae aan marathons in China deelneem nie!
Nou verstaan ek die Afrika konneksie heelwat beter…
Die Sjinese kan nog baie by Afrika leer in hierdie verband
Ek wonder hoe voel mens as jy uitgevang word en die ander deelnemers kyk jou in die oe. Die vernedering moet sleg wees.