Argieffoto (Foto: Nick Collins / Pixabay)
ʼn Hof in Denemarke het Maandag ʼn kunstenaar beveel om byna €70 000 (sowat R1,4 miljoen) terug te gee aan ʼn museum wat hy gekry het om in kunswerke te gebruik. Hy het leë skilderdoeke aan die museum oorhandig met die titel “Vat die geld en hardloop”.
Jens Haaning is deur die Kunsten Museum in Aalborg opdrag gegee om twee kunswerke te skep waarin die kontant – Deense krone en euro’s – gebruik word om die jaarlikse salaris in Denemarke en Oostenryk uit te beeld.
Die hof in Kopenhagen het die 58-jarige kunstenaar Maandag beveel om 492 549 krone, ekwivalent aan die bedrag wat die museum aan hom oorhandig het minus die kunstenaarsfooi en koste om die skilderdoeke te span, terug te betaal.
Museum-direkteur Lasse Andersson het vroeër aan AFP gesê hy het kliphard gelag toe hy in 2021 die twee leë skilderdoeke gesien het, en het besluit om in elk geval die werk uit te stal. Volgens hom het dit ʼn “humoristiese benadering” gehad en was ʼn “teken van hoe ons werk waardeer”.
Hy het egter bygevoeg die museum sal Haaning hof toe sleep as hy nie die geld terugbetaal nie, wat hy toe inderdaad geweier het om te doen.
Haaning het Maandag in ʼn onderhoud met TV2 Nord-televisie gesê die museum het “baie, baie meer geld gemaak” as wat hy belê het, danksy die publisiteit rondom die voorval.
Sjoe… nou “spog” Haaning dat hy meer geld gemaak het met die slegte publisiteit as met sy werk. Iets om op trots te wees?
Die museum het die geld gemaak, nie hy nie. Lees daai laaste sin weer
Dankie katvis……
Klink na ‘n cANCer redenasie. heheheeee