Kunswerk in haar kombuis toe miljoene werd

Die kunswerk, getiteld “Christ Mocked”.

ʼn Vroeë Renaissance-meesterstuk deur die Florentynse skilder Cimabue is in ʼn kombuis in ʼn stad naby Parys in Frankryk ontdek.

The Guardian berig die kunswerk, getiteld “Christ Mocked”, is na verwagting tussen €4 en €6 miljoen (minstens R65 miljoen) werd en sal volgende maand opgeveil word.

Die kunswerk word besit deur ʼn vrou van die dorp Compiègne en dit het tussen haar kombuis en sitkamer gehang. Sy het dit onlangs laat waardeer, maar nie gedink dit sal veel werd wees nie.

Volgens kenners is daar geen geskil oor die oorsprong daarvan nie, berig BBC. Toetse is op die kunswerk uitgevoer met behulp van infrarooi lig om die ooreenkomste met werke van Cimabue, ook bekend as Cenni di Pepo, te bepaal.

Die skildery is vermoedelik deel van ʼn groot diptiek wat uit 1280 dateer, toe Cimabue agt tonele geskilder het wat die passie en kruisiging van Christus uitbeeld.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
JL

As die hoenders skildery in my kombuis maar soveel werd was…sug.

Realis

Goeie hoenders!! Ja Nee kyk…….

Marinda

Wow

Niklaas

Daars n ou skets van n kat in my buitestoor. Moet dit laat waardeer. Dalks n fortyntjie werd. Mens weet nooit…

Ekke

Ek het n paar skilderye van n vrou wat dit onderteken het met “NZEE”
Soos ek verstaan, is daar heelwat van haar meurals in die Sheraton Hotel in Pta te sien. ‘n Paar huise spog ook met meurals, beelde en skilderye..????