Legendariese countrysanger sterf

Foto: Facebook.

Glen Campbell, die Amerikaanse countrysanger, is in die ouderdom van 81 dood in Nashville.

Campbell is veral bekend vir treffers soos “Rhinestone Cowboy” en “Southern Nights”.

CNN berig sy familie het Dinsdag ʼn verklaring op Facebook gelaai wat as volg lui: “Dit is met swaar harte dat ons die dood van ons geliefde man, pa, oupa en legendariese sanger en kitaarspeler aankondig. Hy het lank en moedig teen Alzheimer se siekte geveg.”

Independent.co.uk berig hy was een van ʼn gesin van 12 kinders.

Hy het meer as 45 miljoen albums verkoop waarvan 12 gouestatus behaal het. Altesaam 75 van sy liedjies het treffersparades gehaal.

Campbell het ook kitaar gespeel in Frank Sinatra se treffer “Strangers in the Night”, The Monkees se “I’m a Believer” en Elvis Presley se “Viva las Vegas”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

12 Kommentare

Rupert Ashford ·

So hartseer as die ou manne wat musiek vir ons groot gemaak het val. RIV aan ‘n ware legende.

Rupert Ashford ·

En een van die beste kitaarspelers ooit. Min mense weet dit – selfs die rockers het hom daarvoor bewonder.

Asjas ·

Wanneer ‘n moeilike dag voorle sit ek Rhinestone Cowbow kliphard in die en sing nog harder saam.
Dit laat my nie net beter voel nie maar sommer “empowered” ook.

Daan ·

Dankie Glen vir al die mooi “memories” in die dae toe ek en my vroulief nog uitgegaan het in die vroee 70s.Jou stem en kitaar het regtig ons lewe ingekleur. R.I.P.

Lizl ·

Ai, so kom alle goeie dinge ook tot `n einde. Dankie tog laat sy musiek sal bly voortleef

VanAfrika ·

Ek was nog altyd n country musiek fan, wens dit wil weer herlewing kry in SA. RIV Glen C. Jy musiek is nie vir altyd dood nie, eendag luister ons weer na jou in die hemel.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.