Die eerste minister van Lesotho, Thomas Thabane, word beskuldig van betrokkenheid by die moord op sy vervreemde vrou twee jaar gelede.
Lipolele Thabane is doodgeskiet terwyl sy en ʼn vriend twee dae voor haar man se inhuldiging op pad was huis toe.
Luidens mediaberigte het Lesotho se polisiehoof, Holomo Molibeli, dié bewering in hofdokumente gemaak waarin hy die eerste minister se pogings om hom af te dank, beveg.
BBC het berig die hofstukke bevat onder meer ʼn afskrif van ʼn brief, wat Desember verlede jaar gedateer is, wat die polisiehoof aan Thabane geskryf het.
In die brief sê Molibeli: “Die ondersoek wys daar was telefoniese kommunikasie op die misdaadtoneel ter sprake … met ʼn ander selfoon. Daardie selfoonnommer behoort aan jou.”
Thabane het sy vrou se moord in sy inhuldigingstoespraak as “sinneloos” bestempel.
Die egpaar was sedert 2012 van bed en tafel geskei en was gewikkel in ʼn uitgerekte egskeiding.
Dit is maar soos dit gaan in Afrika.
Niemand is vreeslik verbaas
Net in Africa, kyk wat gebeur noord van die Lipompo Riviera.