Londen-terreuraanval: Sewe vas

Polisiebeamptes op die toneel buite die Britse parlement in Londen (22 Maart 2017). Foto: Victoria Jones/PA via AP

Polisiebeamptes op die toneel buite die Britse parlement in Londen (22 Maart 2017). Foto: Victoria Jones/PA via AP

Scotland Yard se hoof van teen-terrorisme het Donderdag bevestig sewe mense is in hegtenis geneem in verband met die dodelike terreuraanval gister by die Britse parlement in Londen.

Mark Rowley het gesê die sewe verdagtes is in hegtenis geneem nadat die polisie ʼn klopjag op ses persele in die sentrale gedeelte van Birmingham uitgevoer het.

Maroela Media het vroeër berig vyf mense is dood en minstens 40 ander beseer toe ʼn enkele aanvaller met ʼn motor in voetgangers op die Westminster-brug ingejaag het, voordat hy ʼn polisiebeampte binne die hekke van die parlement met ʼn mes doodgesteek het.

Die aanvaller is deur Britse polisiebeamptes doodgeskiet. Sewe van die beseerdes is in ʼn kritieke toestand.

Rowley het voorheen gesê die polisie het die identiteit van die aanvaller vasgestel, maar hy wou dit nog nie bekend maak nie. Hy het gesê Islamitiese ekstremisme word vermoed.

Lees alle vorige berigte oor die Londen-terreuraanval op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Johanna

Is Islamitiese ekstremiste die motief vir die aanval, of vermoedelik aanspreeklik? Maroela Media, maak net seker hiervan.

A

Ek sal graag wil weet of die polisie beampte wat die aanvaller geskiet het strafregtelik vervolg gaan word in Britanje? Mag hulle daar kriminele skiet?

Boerseun

Nou waar is daai ou wat die week gese het migrasie is die oplossing vir die wereld se problem?

Valerie

Die Trojaanse Perd effek.

m

A dis net in hierdie land waar kriminele beskerm word.