Ma aangekla van seun se moord meer as 50 jaar gelede

Maureen Enright.

ʼn Ma van 11 kinders is aangekla van die moord op haar jong seun in die 1960’s.

Herald Sun berig Maureen Enright (76) van Queensland in Australië is die afgelope week aangekla van die moord op haar seun Peter John Enright.

Die polisie vermoed Peter, wat outisties was, is in 1968 of 1969 dood toe hy drie of vier jaar oud was. Peter, wat op 17 Junie 1965 gebore is, is nooit as vermis aangemeld nadat hy verdwyn het nie.

Luidens berigte deur 7 News het die polisie intussen met opgrawings begin by die gesin se huis in Inala, Brisbane, waar hulle vermoed Peter se oorskot begrawe is. Peter se pa, Michael, is in 2018 dood.

Die polisie is besig met opgrawings by die huis waar die gesin woon. Foto: Queensland-polisie

Die polisie het met ʼn moordondersoek begin nadat hulle in Augustus inligting ontvang het oor Peter se verdwyning.

Daar word van radartegnologie en ander gespesialiseerde toerusting gebruik gemaak om die erf in Inala mee fyn te kam.

News.com.au berig Enright voer al dekades lank aan dat Peter by ander familielede gaan woon het of vir aanneming opgegee is.

Enright moet weer op 11 Desember in die hof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Piet

Die wiele van die gereg draai stadig maar seker.

Chris

Ek praat nie wat die ma gedoen het goed nie. Was daar ‘n ondersteuningstelsel, kennis en hulp vir daardie vrou? Het sy oor die nodige beskik om na die kind om te sien. Ek glo nie daardie vrou het die afgelope 50 jaar in maanskyn en rose geleef nie. Niemand kan daardie vrou blameer oor die daad wat sy gepleeg het nie. Dit is jammer maar ek dink sy sou dit nie andersins deurstaan het nie. Ek persoonlik dink daar is versagtende omstandighede wat in ag geneem kan word. Ek kan my nie indink met watter wroeging daardie vrou geleef… Lees meer »

antieke antie

sjoe sy dra n swaar las al baie lank op haar gewete…

Daleen

Hoekom eers 50 jaar later inligting deurgee – wie dit ook al deurgegee het? Die persoon wat die inligting deurgegee het moet ook sommer aangekla word – hoekom sulke inligting so lank weerhou?

Erik

Ek verstaan nie van die kommentaar hierbo nie? As sy swaar moes kry deur met haarvgewete saam te leef is dit mos ‘n goeie ding? Om jou onskuldige gesteemde seun te vermoor is nie ‘ok’ nie. Of sy ondersteuning gehad het of nie is irrelevant. Sy moet boet!