Ma dra baba enduit al gaan kind nie leef

Keri en Royce Young (Foto: Aylor Photograhpy/ Facebook.)

Keri en Royce Young (Foto: Aylor Photography/ Facebook.)

Keri Young en haar man, Royce, het op 19 weke van swangerskap uitgevind dat hul ongebore baba se brein nie ontwikkel het nie.

“Sal ons haar organe kan skenk as ek haar die volle termyn dra?” het Keri Young oomblikke nadat sy die nuus ontvang het, gevra. Die egpaar het ook besef dat Eva, hul ongebore dogtertjie, wel lewe, hulle dogter is en verdien om haar pa en ma te ontmoet.

Royce het ʼn brief op Facebook geplaas waarin hy sy vrou prys vir haar dapperheid. Dié brief het harte oor die hele wêreld aangegryp en is al meer as 21 000 keer op Facebook gedeel.

“Hierdie hele proses was rof gewees, maar ek sê dit as iemand wat van die kantlyn af kyk. Keri is die een wat elke skop en elke draai voel. Sy word elke oomblik van die dag herinner dat sy ʼn baba dra wat gaan sterf,” skryf hy.

“Ek sal definitief iets wou verander as ek kon. Ek wil hê my dogter moet perfek wees. Ek wil hê sy moet kersies uitblaas op haar eerste verjaardag. Ek sal wil sien hoe haar selfoonrekening die hoogte inskiet as sy vir seuns boodskappe stuur. Ek wil op haar troudag saam met haar by die paadjie afstap, maar ek kan dit nie doen nie. Dit is die werklikheid en ek kan dit nie keer nie.”

Die baba sal op 7 Mei vanjaar haar opwagting maak. Deur Eva kan baie ander babas se lewe moontlik gered word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
Wow

Wow julle albei is amazing en goeie besluit!!!!!!!!!!!!!!!!!! Deur haar voorlopig haar volledige kans op lewe te gee gaan jul boonop nog baie ander babas red wat sal meebring dat sy wel voortleef. Ure op kyknet het hart en longoorplantings gewys, wat ‘n belewenis was dit nie en ek kyk ook nou met skenker oë na situasies.

AL

Dis ñ baie onbaatsugtige gebaar van die moeder, dat haar kind sal voortleef in ander.

muis

Die babatjie skop en beweeg en sy groei… Sonder n ontwikkelde breintjie??! Hier kom n positiewe opvolg berig!!

rika

Dit is so hartseer en ek dink dit is amazing wat die ouers doen. Ek glo aan wonderwerke, en alhoewel dokters gesê het haar brein het nie ontwikkel, is enige iets moontlik by God. Ons ken nie Sy wil nie, maar Hy weet wat die beste is, en miskien het Hy wel die klein mensie afgestuur om n redding vir ander kinders te wees. Wat ookal gebeur, weet ek beslis, God is in beheer

Claudene

Dis voorwaar n onbaatsugtige gebaar van beide mamma en pappa. Ek glo ook in n wonderwerk!!!!