Ma sterf ná sy baba se lewe bó chemoterapie kies

Nick en Carrie DeKlyen (Foto: Michelle Werkema via AP)

Die vrou van Michigan in die VSA wat opslae in die media gemaak het nadat sy chemoterapie-behandeling geweier het sodat haar ongebore baba kon leef, is Saterdag oorlede.

Nick DeKlyen het Saterdag aan The Associated Press gesê sy vrou, Carrie DeKlyen, was omring deur familie enkele oomblikke voor sy gesterf het.

Haar laaste woorde was glo: “Ek sal jou in die hemel sien.”

Carrie is vroeër vanjaar met breinkanker gediagnoseer, maar het chemoterapie-behandeling geweier omdat dit sou beteken dat sy haar swangerskap moes laat beëindig.

Haar dogtertjie, Life Lynn, is vandeesweek vroeggebore, maar haar lewe is volgens dokters nie in gevaar nie. Carrie se gesondheid het drasties agteruitgegaan nadat haar voedings- en asemhalingsbuise vandeesweek tydens ʼn operasie verwyder is, twee dae ná die geboorte van haar dogtertjie.

Die egpaar het vyf ander kinders.

Klein Life Lynn (Foto: Michelle Werkema via AP)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Ann

Dit is ‘n verhaal van ware moederliefde. Ek sal ook my lewe vir my kinders gee. RIV dapper mamma.

johnny_walker

loop die trane nou oop , wel sy is reg , hulle sal haar in die hemel sien , n voorbeeld vir sekere ander vroue

Virseker. So ongelooflik hartseer ek het nie eers woorde nie.Lorien

Virseker. So ongelooflik hartseer ek het nie eers woorde nie :(

Lukie Carelsen

Ek is ook woordeloos. Wat ‘n vrou! Gelukkig lewe die baba en die ma is in die hemel. Baie hartseer storie maar is tog so inpirerend. Laat my dink aan die fliek “Sophie’s choice”. Dis ‘n ware verhaal wat gedurende tweede wereld oorlog afspeel waar ‘n ma gedwing was deur ‘n Nazi om te kies tussen haar twee kinders watter kind sy gaan hou en watter een konsentrasiekamp toe is.

Catherine

What an unbelievable sacrifice