Macy’s-webwerf knak onder Black Friday-druk

Die foutboodskap.

Die foutboodskap.

Werkers by talle winkels was nie al wat Vrydag moes bontstaan vir ʼn toeloop van klante wat op soek was na Black Friday-winskopies nie. Die gewilde aanlyninkopiewebwerf van die Amerikaanse afdelingswinkel Macy’s was ook só besig dat dié diens vir ʼn wyle onderbreek is.

NBCNews berig ʼn foutboodskap het op die stadige webwerf verskyn en talle verbruikers verhinder om inkopies aanlyn te doen. Die foutboodskap het gelees: “Ons ervaar ʼn tydelike inkopieverkeersknoop.”

Talle verbruikers het hulle tot Twitter gewend om hul misnoeë uit te spreek.

“Ons ervaar tans hoë volumes besoeke op ons webwerf wat dit baie stadig maak,” het ʼn woordvoerder aan die nuuskanaal gesê. “Die webwerf hanteer egter steeds ʼn groot aantal besoekers en verwerk bestellings. Ons werk aan die probleem om die vertraging so gou moontlik op te los.”

Die maatskappy het gesê die Black Friday-winskopies sal Saterdag tot middernag beskikbaar wees.

Bron:  NBCNews

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Woutertjie ·

Ek’s nogal beindruk met die Amerikaanse afdelingswinkel Macy’s wat foutboodskappe op sy webwerf in Afrikaans plaas!

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.