Man 90 keer ingeënt vir vervalste sertifikate

(Argieffoto: GCIS)

’n 60-jarige man het homself na bewering sowat 90 keer teen Covid-19 in Duitsland laat inent, om vervalste inentingsertifikate aan mense te verkoop wat nie self ingeënt wil word nie.

Hy het glo al die dosisse entstof self ontvang om sodoende werklike entstofbondelnommers op die vervalste sertifikate te kon aanbring.

ABC News berig die man van Maagdeburg – wie se naam ingevolge die Duitse privaatheidsreëls nie bekend gemaak word nie – het na bewering oor etlike maande soveel as 90 inentings by inentingsentrums in die Duitse deelstaat Sakse ontvang.

Die polisie het hom vroeër vandeesmaand by ’n inentingsentrum in Eilenburg in Sakse uitgevang toe hy vir die tweede dag agtereenvolgend vir ’n inenting opgedaag het. Die polisie het op verskeie blanko inentingsertifikate wat in sy besit was beslag gelê en met vervolging begin.

Die man is nie tans in aanhouding nie, maar word ondersoek vir die ongemagtigde uitreiking van inentingsertifikate en dokumentvervalsing.

Dit is nog nie duidelik watter impak die ongeveer 90 dosisse van Covid-19-entstowwe, van verskillende handelsmerke, op die man se gesondheid het nie.

Die Duitse polisie het die afgelope maande talle klopjagte uitgevoer in verband met vervalsing van inentingsertifikate. ’n Inentingsertifikaat maak toegang tot die openbare lewe en lokale soos restaurante, teaters, swembaddens of werkplekke moontlik.

CBS News berig Duitsland het die afgelope weke hoë Covid-19-infeksiegetalle van die nuwe Omikron-subvariant aangeteken. Die meeste regulasies om die virus te bekamp is Vrydag in dié land opgeskort. Die dra van gesigsmaskers is nie meer verpligtend in kruidenierswinkels en die meeste teaters nie, maar dit is steeds verpligtend wanneer burgers van openbare vervoer gebruik maak. In die meeste skole in Duitsland hoef leerders ook nie meer maskers te dra nie.

Sondag is altesaam 74 053 nuwe Covid-19-gevalle in Duitsland aangemeld.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

32 Kommentare

Yolandy ·

Daar is n hengse groot verskil in n regte en n valse inenting (wat onder die naam deurgaan as n inenting. Regte inentings laat die virusse stop en verdwyn en mense kry dot noe meer nie, maar met die inenting kan jy nogsteeds die virus kry en vesprei en nogsteeds ook doodgaan.

Yolandy ·

Sie se jy kan die health sector vertrou? Ek vertrou hulle glad nie,

Kaptein67 ·

Hoe effektief is die inenting dan as soveel enstof hom niks maak nie?

Faraway ·

Praat snert!
Ek weet persoonlik van 2 mense wat uiterse newe effekte ervaar sedert inspuiting en booster in so mate dat 1 in hospitaal is!!!
Natuurlik is daar mense wat niks voel of oorkom nie, netso is daar ander wat wel!!!!

piet ·

Meer as 11,3 miljard (billion) vaksienes al toegedien. Uiters veilig, waarskynlik die veiligste medisyne tans op die mark gemeet aan die meer as 11 miljard suksesvolle toedienings.

Rayman ·

Ja en op die oomblik is daar seker 10miljard wat die virus weer versprei wat die in enting gekry het

Mieke ·

stem saam. My eie dogter sit tans met newe effekte waarmee sy sukkel…!!!

piet ·

China het 1,4 miljard (billion) mense. ‘n Daaglikse positiewe getal van 13000 is minder as ‘n druppel in die emmer. Hierdie amper weglaatbare klein getal is alles te danke daaraan dat hulle hul mense so vroeg ingeent het. Dink net in watter chaos hulle sou gesit het indien niemand ingeent was nie.

Owlie ·

En die wêreld moet glo dat hy werklik ingespuit is Gha daar is nie n manier dat hy nog sal rondloop as daar 90 suite met vloeistof in sy liggaam in is nie

Carina ·

Ek hoop regtig vir sy part meeste daarvan was placebo’s, anders gaan hy baie gouer in sy graf beland as wat hy gehoop het..

MakersMark ·

Wonder waar is al die “beserings” wat baie so beweer volg na inenting ?

Retha ·

Wel iemand wat ek goed ken het tot haar werknemers gedwing om jab te vat, eintlik aangery. Die een het nou hart probleme, loop met kierie. Ander een slaan galbulte op sy bene uit wat vreeslik swel ook en syself sit met lewer probleme moes al operasie ondergaan, nou bly wond septies, twee keer per week hospitaal toe om wond te laat drain. Haar gesig opgeswel, lyk glad nie gesond en sy was gesond en gym junkie

MakersMark ·

Klink vreeslik. Ek ken so om en by 250 mense wat ingeent is, jonk, oud, sekeres fiks en gesond, ander met komorbiditeite ens. Nie een enkele besering of ernstige gevolge nie. Seer arm vir 24 h enigste simptome.

Mercia ·

Êrens is daar verseker ‘n slang in die gras…..aangedikte of verdraaide storie. Geen menslike liggaam is gemaak om sóveel inentingstof te kry nie en enige mediese professionele persoon wat sy/haar sout werd is sal beaam dat so iets nét rampspoedig kan uitdraai.

Miskruier ·

Hoe kry n gesonde tienerseun herpes op sy ooglede? Dis nogal een van Phizer se nagevolge.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.