Argieffoto.
Polisiebeamptes in die noordweste van Australië het ’n man doodgeskiet nadat hy na bewering met ’n mes by ’n winkelsentrum in Port Hedland ingestap en verskeie klante met die mes gesteek het.
Die voorval het Vrydagoggend by ’n winkelsentrum in die voorstad South Hedland van Port Hedland in Wes-Australië plaasgevind. Minstens vyf mense is in die voorval gewond en twee van hulle is in ’n ernstige toestand. Luidens berigte is een van die slagoffers vermoedelik in die nek gesteek.
Fred Riebeling, kommissaris van Port Hedland, het ook gesê een van die slagoffers werk by ʼn plaaslike teater. “Dit is regtig ontstellend,” het Riebeling gesê.
Volgens ooggetuies het hulle gesien hoe ʼn man ʼn mes in die rigting van klante waai waarna hulle gille gehoor het. Polisiebeamptes het die verdagte kort daarna in die winkelsentrum doodgeskiet.
Bronne: BBC, The Guardian, Brisbane Times
It seems to me that people have forgotten what it is to be human. I honestly hope that one will be put away forever.
Fedup, he has already been put away forever, and ever. The cops killed him.
En dit maak wêreldwyd opslae? Hoeveel mense is nie vandag met ‘n mes in SA gesteek nie?
Wys jou net hoe die media sensasie najaag.l
Erik, as iemand hier by ons in ‘n winkel instap en mense met ‘n mes begin steek, sal dit ook vinnig in die nuus wees.