Man in neuswiel op vlug van SA ontdek

(Argieffoto)

ʼn Man is lewendig in die neuswiel van ʼn vragvliegtuig gevind wat van Suid-Afrika na Amsterdam gevlieg het.

BBC berig die man het langer as 11 ure in die neuswiel van ʼn Cargolux-vragvlug weggekruip totdat die vliegtuig by die Schiphol-lughawe in Amsterdam geland het. Die vragvliegtuig het een keer in Nairobi, Kenia, gestop.

CNN berig die lughawe se grondpersoneel het iets in die vliegtuig se neuswiel opgemerk wat soos ’n mens lyk en die Nederlandse owerhede dadelik in kennis gestel.

Met owerhede se aankoms op die toneel, het hulle bevestig die man leef, maar het ʼn baie lae liggaamstemperatuur. Paramedici moes die man op die toneel stabiliseer en sy liggaamstemperatuur verhoog.

Volgens Joanna Helmonds, woordvoerder van die Koninklike Nederlandse Militêre Polisie, is die man na ʼn hospitaal in Amsterdam geneem. Hy was in ʼn stabiele toestand.

“Dit is nogal merkwaardig dat die man oorleef het,” het Helmonds gesê.

Volgens Nederlandse owerhede is dit baie ongewoon vir verstekelinge om op lang vlugte in die neuswiel te oorleef weens die koue temperature en min suurstof.

Helmonds sê sodra die man uit die hospitaal ontslaan is, sal hy by die asielsentrum moet aanklop vir sy asielaansoek.

Die man se ouderdom en nasionaliteit is nog nie bekend nie.

Cargolux, die Luxemburgse vraglugredery waarop die verstekeling aan boord was, het geweier om in hierdie stadium kommentaar te lewer totdat ’n ondersoek na die voorval voltooi is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

25 Kommentare

Cherokee ·

Wenk Ronel… die lugreëling, sitplekke, uitsig en kelnersdiens is nie watswonders in die neuswiel se ruimte nie.

Di ·

Genade, hierdie man moes regtig desperaat gewees het om dit te waag.

Christine ·

Ja, dis illegal foreigners wat nie meer ‘n heenkome sien in SA nie en nie wil teruggaan Noord-Afrika toe nie, wat op die goedkoopste manier die vasteland wil verlaat. Dit het al voorheen gebeur. Afrikane het ‘n wonderbaarlike wyse om te oorleef in enige omstandighede.

Hendrik ·

Ek glo meer mense sal soortgelyke pogings aanwend om uit hd reenboognasie- land te ontvlug. Hieragter moet n interessante verhaal wees.

Sê maar net ·

Wow! Ek is bly die man lewe. Maar, die sekuriteit by die spesifieke lughawe pla my. Hoe kon niemand hom gesien het nie? Dalk het hy hulp gehad om te vlug? En waarom vlug hy van Suid Afrika na Amsterdam? Vlug hy dalk van iets of iemand in Suid Afrika? Ek dink hier is meer aan hierdie storie…..Sal dalk die moeite werd wees om hierdie saak van nader te ondersoek.

Harley Davidson ·

Afrika is en word teen so ‘n tempo vernietig dat die Westerse eerste wêreld lande se grootste uitdaging gaan wees om die Afrikane uit hulle lande te hou.

VaalDonkie ·

Hoop hy’t ‘n masker gedra sodat hy nie COVID kan vang nie

Johan ·

Hy kan dalk vingers, tone en selfs ñ gedeelte van sy neus verloor weens bevriesing (frostbite).

SomeOne ·

is die persoon nie dalk van Nairobi, Kenia, wat daar gevind is nie ?, omdat sy nasionaliteit nog nie bekend is nie

Christine ·

Definitief ‘n Noord-Afrikaan. Hulle doen dit wanneer hulle nie vir die see kanssien nie. Hy het seker gesien SA hou geen toekoms vir hom in met die vreemdeling-probleme hier nie.

Marius ·

Ek hoop hy is ten volle ingeënt. Ander moet hy gedeporteer word….

Jaco ·

Tegnies kom hy onwettig in Nederland aan, maar hy mag om asiel aansoek doen. Nou wonder ek net: kan ek ook Nederland toe gaan en dan sommer vir asiel aansoek doen?

Christine ·

Hiekom wil enigiemand in daai plat land wat 9 maande winter het, gaan bly?

Reynier ·

Hy het vir die regering gestem, hetsy dit SA of Kenya was maar hy vlug na Europese land toe. Ek dog WMC en Europese goed is van die duiwel, hoekom wil Afrika mense so graag daar wees?

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.