Man vas ná moord op Morgan Freeman se kleinkind

Morgan Freeman en sy kleinkind, E'dena Hines Foto: Preens

Morgan Freeman en sy kleinkind, E’dena Hines Foto: Preens

ʼn 30-jarige man is in hegtenis geneem in verband met die moord op die akteur Morgan Freeman se stief-kleindogter in New York.

Lamar Davenport is Maandag in hegtenis geneem.

E’dena Hines (33) is Sondag dood aangetref in die straat voor haar luukse woonstelgebou in Manhattan met verskeie steekwonde in haar bors.

Dit is nog nie duidelik of Davenport reeds regshulp het wat namens hom kommentaar kan lewer nie.

Volgens die polisie was Davenport en Hines in ʼn verhouding betrokke.

Freeman het ʼn verklaring uitgereik waarin hy sê “die wêreld sal nooit haar kunsskat en talent ken nie” en bygevoeg het hoeveel sy gehad het om te bied.

Hines het drama studeer en was betrokke by programme om stedelike jeugdiges op te lei. Sy was die kleinkind van Freeman se eerste vrou, maar hy het nooit na haar verwys as sy “stief-kleinkind” nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Peet Schabort ·

Hulle is toetentaal onbekend aan my. Vir hulle sal enige insident wat ons boerenasie aangaan net so min saak maak soos die man in die maan.
Wat egter gebeur het is onaanvaarbaar en mag die skuldige se turf sit.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.