Die Amerikaanse skrywer en digter Maya Angelou is in die ouderdom van 86 oorlede.
Wake Forest Universiteit het Angelou se afsterwe Woensdag in ‘n mediaverklaring aangekondig. Angelou was ‘n oud-vryheidsvegter wat onder andere saam met Martin Luther King gewerk het.
Angelou het groot lof ontvang vir haar eerste boek, haar outobiografie “I Know Why the Caged Bird Sings”. Sy was een van die eerste swart Amerikaanse vroue om ‘n topverkoper te skryf.
Angelou is in 1993 gekies om as digter by president Bill Clinton se inhuldiging op te tree. Sy het ‘n oorspronklike komposisie “On the Pulse of Morning” vir die geleentheid geskryf.
Hier is ‘n video van die geleentheid: