Meer as 100 vas tydens #BlackLivesMatter-betogings in Londen

Black Lives Matter-betogers in Trafalgarplein in Londen (13 Junie 2020) (Foto: Victoria Jones/PA via AP)

Meer as 100 persone is in hegtenis geneem ná duisende Black Lives Matter en verregse betogers Saterdag in Londen saamgekom het, ondanks versoeke dat die betogings nie moet voortgaan nie, het die polisie in Engeland gesê.

Eerste minister Boris Johnson het gesê meeste van die geweld het van die verregse betogers gekom wat met versperrings en polisiebeamptes van die Black Lives Matter-betogers geskei is.

Die polisie het gesê die betogings was grootliks vreedsaam met “enkele voorvalle van geweld teen polisiebeamptes”. Diegene wat in hegtenis geneem is, word beskuldig van oortredings soos “gewelddadige wanorde”, aanranding op polisiebeamptes, die besit van ʼn wapen, die besit van dwelmmiddels en besopenheid.

“Rassistiese boewery het geen plek op ons strate nie,” het Johnson op Twitter geskryf. “Hierdie optogte en betogings word omvergewerp deur geweld en is ʼn oortreding van bestaande riglyne oor sosiale distansiëring. Rassisme het geen plek in die Verenigde Koninkryk nie en ons moet saam werk om dit ʼn realiteit te maak.”

Nog betogings is vir Sondag beplan ná optogte Saterdag in Newcastle, Bristol, Chelmsford, Canterbury en Brighton plaasgevind het, waar sowat 10 000 Black Lives Matter-betogers al langs die kus aan die optog deelgeneem het.

Die betogers het Johnson se versoek Vrydag, om die beweging te beëindig, geïgnoreer. Hy voer aan Black Lives Matter-betogers word “gekaap deur ekstremiste wat slegs op geweld gefokus is”.

Die biskop van Dover, Rose Hudson-Wilkin, die Kerk van Engeland se eerste vroulike swart biskop, het Saterdag se betogings ondersteun. “Ons sou daarvan gehou het om nie tydens ʼn pandemie bymekaar te kom nie, maar hierdie is baie belangrik,” het Hudson-Wilkin aan betogers in Canterbury gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Willem

U kan nie sonde met sonde regstel nie!

Adam Adriaan

Alle gereel deur die Gobal Elite reg deur die wêreld. Soos met die Covid -19

marius

Hoekom vir winston toegemaak ? Dalk skaam ?

Theo

“Every record has been destroyed or falsified, every book rewritten, every picture has been repainted, every statue and street building has been renamed, every date has been altered. And the process is continuing day by day and minute by minute. History has stopped. Nothing exists except an endless present in which the Party is always right.”
George Orwell, 1984

Sarel

Dit is altyd vir my vreemdchoe die prs altyd foto’s plaas van Polisie optrede en nie van die ” betogers” nie.Dit was al bewys dat 95% persent van die mensecis meelopers wat nie weet waaroor alles gaan nie.